પગાર વધારા સાથે પ્રોવિડન્ટ ફંડ (PF) અને ગ્રેચ્યુઈટીના યોગદાનમાં પણ વધારો થાય છે. જો જાન્યુઆરી 2026 થી 8મું પગાર પંચ અમલી બને અને ૬% ઇન્ક્રીમેન્ટનો નિયમ લાગુ થાય, તો કેન્દ્રીય કર્મચારીઓની નાણાકીય સ્થિતિમાં દાયકાનો સૌથી મોટો સુધારો જોવા મળી શકે છે.
બેઝિક પગારમાં સીધો વધારો અને તેની અસર
વર્તમાન નિયમો મુજબ કેન્દ્રીય કર્મચારીઓને વાર્ષિક 3% ઇન્ક્રીમેન્ટ મળે છે. જો 8મા પગાર પંચમાં આ દર વધારીને 6% કરવામાં આવે, તો કર્મચારીઓના મૂળ પગાર (Basic Pay) માં દર વર્ષે થતો વધારો સીધો બમણો થઈ જશે. દાખલા તરીકે, જો કોઈનો બેઝિક પગાર ₹50000 હોય, તો 3% લેખે ₹1500 વધતા હતા, પરંતુ 6% લેખે આ વધારો ₹3000 થશે. આ વધારો દર વર્ષે કમ્પાઉન્ડિંગ ઇફેક્ટ સાથે કામ કરશે, જે લાંબા ગાળે નિવૃત્તિ સમયે મળતા લાભોમાં પણ મોટો ઉછાળો લાવશે.
એલાઉન્સ પર થતી અસર
ઇન-હેન્ડ સેલરીમાં માત્ર બેઝિક પગાર જ નથી વધતો, પરંતુ તેની સાથે જોડાયેલા તમામ ભથ્થાઓમાં પણ આપોઆપ વધારો થાય છે. મોંઘવારી ભથ્થું (DA) બેઝિક પગારના ટકાવારી પર ગણાય છે, તેથી જેમ બેઝિક વધશે તેમ DA ની રકમ પણ વધશે. આ ઉપરાંત, હાઉસ રેન્ટ એલાઉન્સ (HRA) અને ટ્રાવેલ એલાઉન્સ (TA) માં પણ સૂચિત વધારાને કારણે કુલ પગારમાં મોટો તફાવત જોવા મળશે. જો HRA ને 30% થી 40% સુધી લઈ જવામાં આવે, તો મેટ્રો શહેરોમાં રહેતા કર્મચારીઓની ટેક-હોમ સેલરીમાં જંગી વધારો થશે.
ફિટમેન્ટ ફેક્ટર અને લઘુત્તમ પગારની નવી દરખાસ્ત
કર્મચારી સંગઠનો દ્વારા 3.83 ના ફિટમેન્ટ ફેક્ટરની માંગ કરવામાં આવી છે, જે હાલમાં 2.57 છે. જો સરકાર લઘુત્તમ મૂળ પગાર ₹18000 થી વધારીને ₹69000 કરવાની દરખાસ્ત સ્વીકારે, તો પગારના માળખામાં પાયાનો ફેરફાર આવશે. 6% ના વાર્ષિક વધારા સાથે આ ઊંચું ફિટમેન્ટ ફેક્ટર જોડાતા, એન્ટ્રી લેવલના કર્મચારીઓના હાથમાં આવતો પગાર (In-hand Pay) હાલના કરતા અનેકગણો વધી શકે છે. આનાથી ફુગાવાની સામે કર્મચારીઓની ખરીદશક્તિમાં નોંધપાત્ર સુધારો થશે.
આ પણ વાંચો: Gratuity Rules: નવા લેબર કોડમાં વધી જશે તમારી ગ્રેચ્યુટી, પણ અહીં ફસાયો પેચ.. જાણો નવો નિયમ
