Gold Silver Price Today: શું સોનું ફરી મોંઘું થયું? જાણો 20, 22 અને 24 કેરેટના લેટેસ્ટ ભાવ..

છેલ્લા કેટલાક દિવસોમાં સોના અને ચાંદીના બજારમાં નોંધપાત્ર ઉથલપાથલ જોવા મળી છે. જો તમે રોકાણ કરવાનું વિચારી રહ્યા હોવ અથવા ઘરેણાં લેવાનું આયોજન હોય, તો આ ફેરફારો પર નજર રાખવી અત્યંત આવશ્યક છે. મલ્ટી કોમોડિટી એક્સચેન્જ (MCX) અને સ્થાનિક બજારમાં કિંમતી ધાતુઓના ભાવમાં જોવા મળેલી વધ-ઘટ આ મુજબ છે.

MCX પર સોના-ચાંદીની સ્થિતિ

MCX પર સોનાના ભાવમાં થોડો ઘટાડો જોવા મળ્યો હતો અને તે ₹1,47,365 પ્રતિ 10 ગ્રામ પર બંધ થયું હતું. પાંચ દિવસના ગાળામાં સોનાના વાયદાના ભાવમાં લગભગ ₹3,203 નો ઘટાડો નોંધાયો છે. બીજી તરફ, ચાંદીના ભાવમાં મોટો ઉછાળો જોવા મળ્યો છે. 4 સપ્ટેમ્બરની એક્સપાયરી સાથે ચાંદી ₹2,37,499 પ્રતિ કિલોગ્રામ પર બંધ થઈ, જે પાછલા સપ્તાહની સરખામણીમાં ₹14,027 નો વધારો દર્શાવે છે.

સ્થાનિક બજારમાં ભાવનું ચિત્ર

ઇન્ડિયન બુલિયન જ્વેલર્સ એસોસિએશન (IBJA) અનુસાર, સ્થાનિક બજારમાં સોનાના ભાવમાં તેજી જોવા મળી છે. 24 કેરેટ સોનાનો ભાવ ₹1,46,344 પ્રતિ 10 ગ્રામ સુધી પહોંચી ગયો છે, જે ગયા અઠવાડિયા કરતા ₹6,471 જેટલો વધુ છે. અન્ય કેરેટના ભાવ નીચે મુજબ છે:

22 કેરેટ સોનું: ₹1,42,830 પ્રતિ 10 ગ્રામ

20 કેરેટ સોનું: ₹1,30,250 પ્રતિ 10 ગ્રામ

18 કેરેટ સોનું: ₹1,18,540 પ્રતિ 10 ગ્રામ

14 કેરેટ સોનું: ₹94,390 પ્રતિ 10 ગ્રામ

ચાંદીના ભાવમાં પણ સ્થાનિક બજારમાં તોતિંગ ઉછાળો આવ્યો છે. ચાંદી પ્રતિ કિલોગ્રામ ₹2,33,858 પર પહોંચી છે, જેનો અર્થ છે કે એક જ સપ્તાહમાં ચાંદીના ભાવમાં ₹17,317 નો મોટો વધારો થયો છે.

ધ્યાનમાં રાખવા જેવી બાબત

નોંધનીય છે કે, જાન્યુઆરીમાં સોનાએ ₹2 લાખ અને ચાંદીએ ₹4 લાખની ઐતિહાસિક સપાટી વટાવી હતી. જોકે, હાલના ભાવ તે ઉચ્ચ સ્તર કરતા હજુ પણ ઘણા ઓછા છે. ગ્રાહકોએ એ બાબત ખાસ ધ્યાનમાં રાખવી જોઈએ કે જ્યારે તમે જ્વેલરી ખરીદો છો, ત્યારે બજારના આ દર ઉપરાંત GST અને મેકિંગ ચાર્જ પણ અલગથી ચૂકવવાના રહે છે, જેના કારણે અંતિમ કિંમતમાં તફાવત આવી શકે છે.

દેશના મોટા શહેરોમાં શું છે સોના ચાંદીનો ભાવ (ગુડ રિટર્ન્સ અનુસાર) 

આ પણ વાંચોઃ Petrol Diesel Price Today: આજે વધ્યા કે ઘટ્યા પેટ્રોલ-ડીઝલનાં ભાવ જાણીલો