IDFC ફર્સ્ટ બેન્કે 25 જુલાઈએ જૂન ત્રિમાસિકના નાણાકીય પરિણામો જાહેર કર્યા છે. બેન્કના પરિણામો મુજબ જૂન ક્વાર્ટરમાં તેનો નેટ પ્રોફિટ બમણાથી વધુ વધીને ₹1,075 કરોડ થયો છે. ગયા વર્ષના સમાન સમયગાળામાં બેન્કનો નફો ₹465 કરોડ હતો.
બેન્કની નેટ ઈન્ટરેસ્ટ ઈન્કમ 21 ટકા વધી
જૂન ત્રિમાસિક દરમિયાન બેન્કની આવકમાં પણ નોંધપાત્ર વધારો જોવા મળ્યો છે. બેન્કની નેટ ઈન્ટરેસ્ટ ઈન્કમ (NII) 21 ટકા વધીને ₹5,972.3 કરોડ થઈ છે. એક વર્ષ અગાઉ આ આંકડો ₹4,933 કરોડ હતો. વ્યાજની આવકમાં થયેલા વધારાને કારણે બેન્કના પ્રદર્શનને મજબૂતી મળી છે. આ ઉપરાંત બેન્કની એસેટ ક્વોલિટીમાં પણ સુધારો નોંધાયો છે. ગ્રોસ નોન-પરફોર્મિંગ એસેટ (GNPA) ત્રિમાસિક આધાર પર 1.61 ટકાથી ઘટીને 1.51 ટકા થયો છે. જ્યારે નેટ NPA પણ 0.48 ટકાથી ઘટીને 0.44 ટકા પર આવી ગયો છે.
કંપનીના શેર પર જોવા મળી અસર
જૂન ત્રિમાસિકમાં બેન્કને NCGTC તરફથી CGFMU યોજના હેઠળ ₹514.82 કરોડ પ્રાપ્ત થયા છે. IDFC ફર્સ્ટ બેન્ક એક ખાનગી ક્ષેત્રની બેન્ક છે. 24 જુલાઈના રોજ બેન્કનો શેર 1.3 ટકા વધીને ₹80.95ના સ્તરે બંધ થયો હતો. જોકે, આ વર્ષે અત્યાર સુધીમાં શેરમાં 5.4 ટકાનો ઘટાડો નોંધાયો છે.
બીજી તરફ, 24 જુલાઈએ ભારતીય શેરબજારમાં સતત પાંચમા દિવસે ઘટાડો જોવા મળ્યો હતો. મધ્ય પૂર્વમાં ચાલી રહેલા તણાવને કારણે ક્રૂડ ઓઈલના ભાવમાં વધારો થયો છે, જેની અસર બજારના સેન્ટિમેન્ટ પર પડી રહી છે. હવે IDFC ફર્સ્ટ બેન્કના સારા પરિણામોની અસર આગામી ટ્રેડિંગ સેશનમાં શેરના ભાવ પર કેવી પડે છે તેના પર રોકાણકારોની નજર રહેશે.
આ પણ વાંચો : Senior Citizen FD: સિનિયર સિટીઝન્સ માટે 5 વર્ષની FD પર ક્યાં મળશે સૌથી વધુ વ્યાજ
ડિસ્કલેમર: શેરબજારમાં કે મ્યુચ્યુઅલ ફંડમાં રોકાણ કરતા પહેલા તમારા ફાઈનાન્શિયલ એડવાઈઝરની સલાહ અવશ્ય લો.
