કેન્દ્ર સરકારે વીમા ક્ષેત્રમાં વિદેશી રોકાણ (FDI) અંગે મહત્વપૂર્ણ નિર્ણય લીધો છે. હવે ભારતની ઈન્શ્યોરન્સ કંપનીઓમાં 100% સુધી વિદેશી રોકાણની મંજૂરી આપવામાં આવી છે. આ રોકાણ ઓટોમેટિક રૂટ હેઠળ થશે, એટલે કે પૂર્વ સરકારની મંજૂરીની જરૂર નહીં પડે, પરંતુ નિયમનકારી સંસ્થાની મંજૂરી જરૂરી રહેશે.
LICમાં વિદેશી રોકાણની મર્યાદા પહેલાની જેમ 20% જ રહેશે
સરકારે સ્પષ્ટ કર્યું છે કે Life Insurance Corporation of India (LIC) પર આ નિયમ લાગુ નહીં થાય. LICમાં વિદેશી રોકાણની મર્યાદા પહેલાની જેમ 20% જ રહેશે. IRDAIની મંજૂરી અને દેખરેખ હેઠળ જ આ રોકાણ કરવામાં આવશે, જેથી તમામ નિયમોનું પાલન થાય. આ ફેરફાર ‘સબકા બીમા, સબકી સુરક્ષા (સંશોધન) કાયદો 2025’ હેઠળ કરવામાં આવ્યો છે, જેનો હેતુ વીમા ક્ષેત્રને વધુ મજબૂત બનાવવાનો અને રોકાણ આકર્ષવાનો છે.