બેંક ઓફ બરોડાએ સિનિયર સિટિઝન્સ માટે એક પ્રીમિયમ સેવિંગ્સ એકાઉન્ટ લોન્ચ કર્યું છે, જેમાં ડોરસ્ટેપ બેંકિંગ, હેલ્થકેર બેનિફિટ્સ અને ઘણી નાણાકીય સુવિધાઓ ઘરે બેઠા મળશે. વૃદ્ધ ગ્રાહકોની જરૂરિયાતોને ધ્યાનમાં રાખીને બેંક ઓફ બરોડાએ 'BoB સિનિયર સિટિઝન વિશેષ સન્માન' નામે આ એકાઉન્ટ રજૂ કર્યું છે.આ એકાઉન્ટનો મુખ્ય ઉદ્દેશ્ય વૃદ્ધ ગ્રાહકોને સરળ, સુરક્ષિત અને અનુકૂળ બેંકિંગ અનુભવ પૂરો પાડવાનો છે. ખાસ વાત એ છે કે ગ્રાહકોએ વારંવાર બેંકની શાખામાં જવાની જરૂર નહીં પડે, કારણ કે મોટાભાગની સેવાઓ ઘરે બેઠા જ ઉપલબ્ધ થશે. હેલ્થકેર સુવિધાઓથી લઈને ડોરસ્ટેપ બેંકિંગ સુધી, આ એકાઉન્ટ સિનિયર સિટિઝન્સને આર્થિક અને દૈનિક જીવનમાં મોટી રાહત આપવા માટે ડિઝાઇન કરવામાં આવ્યું છે.
મુખ્ય શરતો અને સુવિધાઓ
વરિષ્ઠ નાગરિકો માટે બેંકિંગને સરળ બનાવવા માટે બેંક ઓફ બરોડાનું આ એક મહત્વનું પગલું છે. આ પ્રીમિયમ એકાઉન્ટ એવા ગ્રાહકો માટે ઉપલબ્ધ છે જેઓ 1 લાખ રૂપિયાનું માસિક સરેરાશ બેલેન્સ (MAB) જાળવી રાખે છે.
