તહેવારોની સીઝન શરૂ થતાં જ સોના-ચાંદીના ભાવમાં પણ ઘટાડાનો દોર શરૂ થઈ ગયો છે. ધનતેરસ પહેલાં જ ચાંદી 2 લાખ રૂપિયા પ્રતિ કિલોથી નીચે આવી ગઈ છે અને સોનું પણ 1.50 લાખ રૂપિયાથી નીચે આવી ગયું છે. જો તમે સોના અને ચાંદીમાં રોકાણ કરવાનું વિચારી રહ્યા છો, તો આ તમારા માટે વધુ સારો સમય બની શકે છે. આ સ્થિતિમાં આજના રેટ્સ પર એક નજર જરૂર નાખો.
ઇન્ટરનેશનલ માર્કેટમાં ઘટ્યા ભાવ
ઇન્ટરનેશનલ માર્કેટ એટલે કે કોમેક્સ પર સોના-ચાંદીમાં ફરી ઘટાડો જોવા મળ્યો છે. આજે 28 ઓક્ટોબરે કોમેક્સ પર સોનું 0.36% ઘટીને 4,059.90 ડોલર પ્રતિ ઔંસ પર ટ્રેડ કરતું જોવા મળ્યું. ચાંદીના ભાવમાં પણ 0.54% સુધીનો ઘટાડો થયો અને કિંમત 54.220 ડોલર પ્રતિ ઔંસ પર પહોંચી ગઈ.
દેશના કેટલાક મોટા શહેરોમાં સોનાના ભાવ
| શહેર | 24 કેરેટ સોનાની કિંમત | 22 કેરેટ સોનાની કિંમત |
| દિલ્હી | 1,44,100 | 1,32,100 |
| મુંબઈ | 1,43,950 | 1,31,950 |
| કોલકાતા | 1,43,950 | 1,31,950 |
| ચેન્નઈ | 1,43,950 | 1,31,950 |
| અમદાવાદ | 1,44,000 | 1,32,000
|
| રાજકોટ | 1,44,000 | 1,32,000
|
ઘરેલુ બજારમાં ભાવ ઘટ્યા
ઘરેલુ બજારમાં પણ સોના-ચાંદીના ભાવમાં ઘટાડો નોંધાયો છે. આજે સોનું ઘટીને આશરે 1.44 લાખ રૂપિયા પ્રતિ 10 ગ્રામ આસપાસ ટ્રેડ કરતું જોવા મળ્યું. ચાંદી પણ ઘટાડા સાથે આશરે 1.96 લાખ રૂપિયા પ્રતિ કિલોગ્રામ આસપાસ ટ્રેડ થતી જોવા મળી.
એમસીએક્સ પર શું છે સોનાનો ભાવ?
મલ્ટી કોમોડિટી એક્સચેન્જ એટલે કે એમસીએક્સ પર ડિસેમ્બર ડિલિવરીવાળા સોનામાં 515 રૂપિયાનો ઘટાડો નોંધાયો અને કિંમત 1,43,623 રૂપિયા પ્રતિ 10 ગ્રામ પર ટ્રેડ કરતી જોવા મળી. ચાંદીની વાત કરીએ તો તેમાં 1000 રૂપિયાનો ઘટાડો નોંધાયો અને કિંમત 1,95,770 રૂપિયા પ્રતિ કિલોગ્રામ પર પહોંચી ગઈ.
ધાતુઓ કેટલી સસ્તી થઈ?
બજાર ખુલતાની સાથે જ સોના અને ચાંદીમાં ફરી ઘટાડો જોવા મળ્યો. ધાતુઓમાં સતત ઘટાડાનો દોર ચાલી રહ્યો છે. 24 કેરેટ સોનું આશરે 144,060 રૂપિયા પ્રતિ 10 ગ્રામ આસપાસ ટ્રેડ થઈ રહ્યું છે, જ્યારે 22 કેરેટ સોનું આશરે 132,055 રૂપિયા પ્રતિ 10 ગ્રામ આસપાસ રહ્યું છે. 18 કેરેટ ગોલ્ડ 108,045 રૂપિયા પ્રતિ 10 ગ્રામની નજીક ટ્રેડ કરી રહ્યું છે. બુલિયન માર્કેટમાં ચાંદીની કિંમત આશરે 196,440 રૂપિયા પ્રતિ કિલોગ્રામ આસપાસ જોવા મળી.
Disclaimer: અહીં દર્શાવેલ ભાવ જરૂરી નથી કે વાસ્તવિક પણ તેટલો જ હોય. સમય સમય મુજબ તથા શહેરો પ્રમાણે ભાવમાં ફેરફાર આવી શકે છે.
આ પણ વાંચો-South Cinema : રજનીકાંતની જેલર 2એ વિશ્વભરમાં રચ્યો ઇતિહાસ, બની તમિલ સિનેમાની સૌથી મોટી ફિલ્મ!
