વૈશ્વિક વિકાસ અને અમેરિકા અને યુરોપ વચ્ચે વધતા તણાવને કારણે રોકાણકારોના ભાવના પર ભારે અસર પડી છે. અમેરિકાના રાષ્ટ્રપતિ ડોનાલ્ડ ટ્રમ્પે આઠ યુરોપિયન દેશો પર નવા ટેરિફની જાહેરાત કર્યા પછી આ દબાણ આવ્યું છે. ભારતીય શેરબજાર ઘટાડા સાથે ખૂલ્યું છે.
લાલ નિશાનમાં શેરબજાર ખૂલ્યું
સવારે 9.30 કલાકની વાત કરીએ તો સેન્સેક્સ 458.02 પોઇન્ટના ઘટાડા સાથે 83,112.33 અંકે બંધ થયો જ્યારે નિફ્ટી 158.45 પોઇન્ટના ઘટાડા સાથે 25,535.90 અંકે બંધ થયો. અહેવાલો અનુસાર, ટ્રમ્પે 1 ફેબ્રુઆરીથી આ યુરોપિયન દેશો પર 10% અને જૂનથી 25% આયાત ડ્યુટી લાદવાનો નિર્ણય લીધો છે. ગ્રીનલેન્ડ પર અમેરિકાના દાવાઓના વિરોધમાં આ પગલું લેવામાં આવ્યું હતું. આ સમાચાર બાદ, સતત છ સત્રોના વધારા પછી એશિયન શેરબજાર પહેલી વાર ઘટાડા સાથે બંધ થયા. જાપાનનો નિક્કી 225 અને હોંગકોંગનો હેંગ સેંગ મુખ્ય નુકસાનકર્તા રહ્યા.
દરમિયાન, આ ટેરિફ તણાવ વચ્ચે, સુરક્ષિત સ્વર્ગ ગણાતા સોના અને ચાંદીના ભાવ રેકોર્ડ સ્તરે પહોંચી ગયા. ગયા અઠવાડિયે યુએસ બજારો નુકસાન સાથે બંધ થયા, અને સોમવારે યુએસ ફ્યુચર્સ પણ નબળાઈ સાથે જોવા મળ્યા, જેમાં નાસ્ડેક 100 ઇન્ડેક્સ લગભગ 1% ઘટ્યો.
વૈશ્વિક બજારોમાં શું છે સ્થિતિ
ગ્રીનલેન્ડ યોજનાનો વિરોધ કરતા યુરોપિયન દેશો પર અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ટેરિફની જાહેરાતથી એશિયન શેરબજારોમાં ખળભળાટ મચી ગયો છે. જાપાનના નિક્કીથી લઈને હોંગકોંગના હેંગસેંગ સુધી, ઇન્ડેક્સ તૂટી ગયો છે, જ્યારે GIFT નિફ્ટી પણ લગભગ 100 પોઈન્ટ નીચે ટ્રેડ કરી રહ્યો છે.
ગયા અઠવાડિયે ગ્રીનલેન્ડ અંગેના તીવ્ર નિવેદનો અને આઠ યુરોપિયન દેશો પર ટેરિફની જાહેરાતથી સોમવારે અઠવાડિયાના પહેલા ટ્રેડિંગ દિવસે, વિશ્વભરના શેરબજારો પર અસર પડી. લખતી વખતે, જાપાનનો નિક્કી 525 પોઈન્ટ ઘટીને 53,412 પર ટ્રેડ કરી રહ્યો હતો, જ્યારે હોંગકોંગનો હેંગસેંગ પણ ક્રેશ થઈને 190 પોઈન્ટ ઘટીને 26,660 પર ટ્રેડ કરી રહ્યો હતો.
વધુ વાંચો- BMC Election Results: મારુ ઘર તોડનારાને જનતાને પાઠ ભણાવ્યો, ઉદ્ધવ ઠાકરેની હાર પર બોલી કંગના રનોત
