ભારતની ખાનગી ક્ષેત્રની બેન્ક ઈન્ડસઈન્ડ બેન્ક ફરી નફામાં પરત આવી છે. બેન્કે 24 એપ્રિલે માર્ચ ત્રિમાસિકના પરિણામો જાહેર કર્યા હતા, જેમાં રૂપિયા 533 કરોડનો નેટ પ્રોફિટ નોંધાયો છે. એનાલિસ્ટ્સે આશરે ₹389 કરોડ નફાની અપેક્ષા રાખી હતી, જ્યારે વાસ્તવિક પરિણામ તેનાથી વધારે આવ્યું છે.
બેન્કમાં ગવર્નન્સ સંબંધિત પ્રશ્નો ઉભા થયા હતા
એક વર્ષ અગાઉની સમાન ત્રિમાસિકમાં બેન્કને મોટું નુકસાન થયું હતું, જેનું મુખ્ય કારણ આંતરિક ડેરિવેટિવ્સ એકાઉન્ટિંગમાં ગડબડી હતું. તે પછી બેન્કમાં ગવર્નન્સ સંબંધિત પ્રશ્નો ઉભા થયા હતા અને અનેક ઉચ્ચ અધિકારીઓએ રાજીનામું આપવું પડ્યું હતું. હવે બેન્ક ધીમે ધીમે મુશ્કેલ સમયમાંથી બહાર આવી રહી છે. માર્ચ ત્રિમાસિકમાં પ્રોવિઝનિંગ 38.6% ઘટ્યું છે, જ્યારે કન્ટીજન્સીઝ 29% ઘટીને રૂપિયા 1,484 કરોડ રહી છે. બેન્કની એસેટ ક્વોલિટી પણ સુધરી છે અને નોન-પરફોર્મિંગ લોન (NPL) ઘટીને 3.43% પર આવી છે, જે ડિસેમ્બર ત્રિમાસિકમાં 3.56% હતી.
