રિલાયન્સ ઈન્ડસ્ટ્રીઝે તેની 49મી વાર્ષિક સામાન્ય સભા (AGM)ની તારીખ જાહેર કરી છે. સાથે જ કંપનીએ ફાઈનલ ડિવિડન્ડ માટેની રેકોર્ડ ડેટ પણ જાહેર કરી છે. કંપની નાણાકીય વર્ષ 2025-26 માટે પ્રતિ શેર 6 રૂપિયાનું ફાઈનલ ડિવિડન્ડ આપશે. કંપનીએ શેરબજારોને જાણ કરી છે કે ડિવિડન્ડ માટે 5 જૂન રેકોર્ડ ડેટ રહેશે. આ તારીખ સુધી જેમના નામ કંપનીના રજિસ્ટર ઓફ મેમ્બર્સ અથવા ડિપોઝિટરીઝના રેકોર્ડમાં લાભાર્થી માલિક તરીકે નોંધાયેલા હશે, તેઓ ડિવિડન્ડ મેળવવા પાત્ર બનશે.
કેટલું છે કંપનીનું માર્કેટ કેપ?
ફાઈનલ ડિવિડન્ડને શેરહોલ્ડર્સની મંજૂરી માટે 19 જૂને યોજાનારી AGMમાં રજૂ કરવામાં આવશે. મંજૂરી મળ્યા બાદ 7 દિવસની અંદર શેરહોલ્ડર્સને ડિવિડન્ડની ચુકવણી કરવામાં આવશે. અગાઉ નાણાકીય વર્ષ 2024-25 માટે કંપનીએ પ્રતિ શેર ₹5.50 નો ફાઈનલ ડિવિડન્ડ આપ્યું હતું. કંપનીના શેરની ફેસ વેલ્યુ ₹10 છે. બુધવાર, 27 મેના રોજ BSE પર શેર ₹1,350 પર બંધ થયો હતો. ગુરુવારે બકરી ઈદને કારણે શેરબજાર બંધ રહ્યું. કંપનીની માર્કેટ કેપ ₹18.26 લાખ કરોડ છે. BSE પર શેરનો 52 અઠવાડિયાનો એડજસ્ટેડ હાઈ ₹1,611.20 અને એડજસ્ટેડ લો ₹1,290 રહ્યો છે. છેલ્લા 6 મહિનામાં શેરમાં આશરે 13 ટકાનો ઘટાડો નોંધાયો છે. કંપનીમાં પ્રમોટર્સની હિસ્સેદારી 50 ટકા છે.