ભારતીય શેરબજારમાં રોકાણ કરનારાઓ માટે મહત્વપૂર્ણ સમાચાર છે. શુક્રવાર, 1 મેના રોજ દેશના મુખ્ય સ્ટોક એક્સચેન્જ નેશનલ સ્ટોક એક્સચેન્જ અને બોમ્બે સ્ટોક એક્સચેન્જ (BSE) સંપૂર્ણ રીતે બંધ રહેશે. મહારાષ્ટ્ર દિવસના અવસર પર આ રજા આપવામાં આવી છે, જેના કારણે આ દિવસે કોઈપણ પ્રકારની ટ્રેડિંગ શક્ય નહીં રહે.
શું MCX પણ રહેશે બંધ?
આ દિવસે રોકાણકારો ઈક્વિટી, ડેરિવેટિવ્સ (ફ્યુચર્સ અને ઓપ્શન્સ) તેમજ સિક્યુરિટીઝ લેન્ડિંગ અને બોરોઈંગ (SLB) સંબંધિત કોઈપણ વ્યવહાર કરી શકશે નહીં. એટલે કે સમગ્ર દિવસ દરમિયાન બજારમાં ખરીદી-વેચાણ બંધ રહેશે. કોમોડિટી માર્કેટની વાત કરીએ તો મલ્ટી કોમોટિડી એક્સચેન્જ ઓફ ઈન્ડિયા (MCX)માં સવારે 9:00થી 5:00 વાગ્યા સુધીનો સેશન બંધ રહેશે, પરંતુ સાંજનો સેશન 5:00થી 11:55 સુધી સામાન્ય રીતે ચાલુ રહેશે. બીજી તરફ National Commodity & Derivatives Exchange (NCDEX) આખો દિવસ બંધ રહેશે.
