કાચા તેલની કિંમતોમાં ઘટાડા બાદ મંગળવારના દિવસે બજારની સારી શરૂઆત થઈ. ભારતીય શેરબજારમાં સપ્તાહના બીજા દિવસે પણ સેન્સેક્સમાં તેજી જોવા મળી હતી. બજારના આરંભે 9.30ના સમયે સેન્સેક્સ 144 પોઈન્ટ વધીને ખુલ્યા જ્યારે નિફ્ટી 171 પોઈન્ટના ઘટાડા સાથે ખુલ્યા. આજે સેન્સેક્સ +144.54(0.18%) પોઇન્ટના ઉછાળા સાથે 78,783.57 ના સ્તર પર ટ્રેડ કરી રહ્યો છે. જયારે નિફ્ટી આ જ સમયે -171.00 (0.69%) પોઈન્ટના ઘટાડા સાથે 24,603.30 ના સ્તર પર ટ્રેડ કરી રહ્યો છે.
નવી ક્લોઝિંગ સિસ્ટમની અસર
3 ઓગસ્ટથી અમલમાં આવેલી નવી 'ક્લોઝિંગ ઓક્શન સિસ્ટમ' (CAS) - જેનો ઉદ્દેશ્ય ક્લોઝિંગ પ્રાઇસ ઇક્વિલિબ્રિયમ (સંતુલિત બંધ ભાવ) નક્કી કરવાનો છે - તેની સાથે બજારના સહભાગીઓ હજુ અનુકૂળ થઈ રહ્યા હોવાથી, રિટેલ રોકાણકારોની ભાગીદારી સાવચેતીભરી રહેશે તેમ વિશ્લેષકોનું માનવું છે. મુખ્ય સૂચકાંકો અને અનેક શેરો માટે 'સ્પોટ' અને 'ફ્યુચર્સ'ના ભાવમાં નોંધપાત્ર તફાવત હોવાથી, નિષ્ણાતો માને છે કે રિટેલ રોકાણકારોની ભાગીદારી ઓછી રહેશે, ખાસ કરીને શરૂઆતના કલાકોમાં.
આગલા દિવસે જોવા મળી હતી તેજી
ગયા સોમવારે ભારતીય શેરબજારે શાનદાર રિકવરી દર્શાવતા રોકાણકારોને ખુશ કરી દીધા હતા. વૈશ્વિક સંકેતો વચ્ચે મુખ્ય સૂચકાંકોમાં જોરદાર તેજી નોંધાઈ હતી. બેન્ચમાર્ક ઇન્ડેક્સ Nifty 50 ગઈકાલે 1.60% એટલે કે 390.70 પોઈન્ટના મજબૂત ઉછાળા સાથે 24,774.30 ના સ્તર પર બંધ થવામાં સફળ રહ્યો હતો. ટ્રેડિંગ દરમિયાન Nifty 24,572.70 પર ખુલ્યા બાદ નીચામાં 24,515.15 અને ઊંચામાં સીધા 24,774.30 ના લેવલને સ્પર્શ્યો હતો. આખા દિવસ દરમિયાન સતત રહી રહેલી ખરીદીના હેવી દબાણને કારણે ઇન્ડેક્સ તેની દિવસની સર્વોચ્ચ સપાટીની નજીક જ બંધ રહ્યો હતો.
સેન્સેક્સ પણ 544.39 વધીને થયો હતો બંધ
બીજી બાજુ, BSE Sensex એ પણ આ પોઝિટિવ ટ્રેન્ડને ઉત્સાહભેર જાળવી રાખ્યો હતો. સેન્સેક્સ 0.70% અથવા 544.39 પોઈન્ટની જબરદસ્ત મજબૂતાઈ સાથે 78,639.03 ના સ્તર પર બંધ આવ્યો હતો. સત્રની શરૂઆત Sensex એ 78,883.34 ના મજબૂત પોઈન્ટથી કરી હતી અને ટ્રેડિંગ દરમિયાન તે 78,895.10 ની ઊંચી સપાટી તેમજ 78,497.34 ના નીચા સ્તર વચ્ચે ફર્યો હતો. જોકે અંતિમ કલાકોમાં સેન્સેક્સ તેની દિવસની ટોચથી સહેજ નીચે આવીને બંધ થયો હતો, તેમ છતાં બંને મુખ્ય સૂચકાંકોની આ બેફામ ગતિ બજારમાં ટ્રેડર્સ અને રોકાણકારોનો ઉત્સાહ અને સકારાત્મક સેન્ટિમેન્ટ સ્પષ્ટપણે ઉજાગર કરે છે.
કોસ્પી (Kospi) ઇન્ડેક્સમાં 1.9% સુધીનો ઘટાડો જોવા મળ્યો
દક્ષિણ કોરિયાના કોસ્પી (Kospi) ઇન્ડેક્સમાં 1.9% સુધીનો ઘટાડો જોવા મળ્યો હતો. વ્યાપક MSCI એશિયા પેસિફિક ઇન્ડેક્સ 0.6% ઘટ્યો હતો, જોકે વધનારા શેરોની સંખ્યા ઘટનારા શેરો કરતાં સહેજ વધારે હતી. અગાઉ, સોમવારે S&P 500 ઇન્ડેક્સ 1.5% વધ્યો હતો અને રેકોર્ડ સ્તરની નજીક પહોંચ્યો હતો. Nasdaq 100 ઇન્ડેક્સના ઇક્વિટી-ઇન્ડેક્સ ફ્યુચર્સે શરૂઆતનો વધારો ગુમાવ્યો હતો અને તેમાં ખાસ કોઈ ફેરફાર જોવા મળ્યો ન હતો; વોલ સ્ટ્રીટની તેજી - જેમાં મેગા-કેપ શેરોએ માર્ચ પછીનો શ્રેષ્ઠ દિવસ નોંધાવ્યો હતો - બાદ તેમાં ગતિ ધીમી પડી હતી.
આ પણ વાંચોઃ Petrol Diesel Price Today: પેટ્રોલ ડીઝલની નિકાસ પર વિન્ડફોલ ટેક્સમાં વધારો, શું પેટ્રોલ ડીઝલના ભાવ વધ્યા?
