તો પેટ્રોલ-ડીઝલની કિંમતોમાં થશે મોટો ઘટાડો?, ઈન્ટરનેશનલ માર્કેટમાં ભાવો તૂટ્યા

• ઈન્ટરનેશનલ માર્કેટમાં ક્રૂડના ભાવમાં કડાકો
  
  
• નજીકના સમયમાં ભારતમાં પણ ઘટાડો સંભવ
• પેટ્રોલ-ડીઝલના ભાવમાં નોંધાઈ શકે છે ઘટાડો

છેલ્લા કેટલાક સમયથી આંતરરાષ્ટ્રીય બજારમાં કાચા તેલની કિંમતોમાં મોટો ઘટાડો જોવા મળી રહ્યો છે. ક્રૂડના ભાવ ઘટીને લગભગ $75 પ્રતિ બેરલ થઈ ગયા છે. આવી સ્થિતિમાં આગામી સમયમાં પેટ્રોલ અને ડીઝલના ભાવમાં ઘટાડો જોવા મળી શકે છે. આંતરરાષ્ટ્રીય બજારમાં ક્રૂડ ઓઈલની કિંમતોમાં મોટો ઘટાડો જોવા મળી રહ્યો છે. ક્રૂડ ઓઈલના ભાવ ઘટીને લગભગ $75 પ્રતિ બેરલ થઈ ગયા છે. બ્રેન્ટ ક્રૂડ ઓઈલ 1.06 ટકાના ઘટાડા સાથે 76.51 ડોલર પ્રતિ બેરલ પર ટ્રેડ કરી રહ્યું છે. આવી સ્થિતિમાં, એવું માનવામાં આવે છે કે ઓઇલ માર્કેટિંગ કંપનીઓ આગામી સમયમાં પેટ્રોલ અને ડીઝલના ભાવમાં ઘટાડો કરી શકે છે.

2024માં યોજાનારી લોકસભાની ચૂંટણી પહેલા સરકાર ફરી એકવાર તેલ કંપનીઓને પેટ્રોલ અને ડીઝલના ભાવ ઘટાડવા માટે કહી શકે છે. ક્રૂડ ઓઈલના ભાવમાં ઘટાડા બાદ જો ભાવ થોડો સમય 75 રૂપિયાની આસપાસ સ્થિર રહે છે તો સરકાર ચૂંટણી પહેલા સામાન્ય લોકોને રાહત આપવા માટે પેટ્રોલ અને ડીઝલના ભાવમાં ઘટાડો કરી શકે છે.

છેલ્લા 20 મહિનામાં કોઈ ફેરફાર થયો નથી

તમને જણાવી દઈએ કે ઓઈલ માર્કેટિંગ કંપનીઓએ છેલ્લા 20 મહિનાથી પેટ્રોલ અને ડીઝલના ભાવમાં કોઈ ફેરફાર કર્યો નથી. જો કે, ગયા અઠવાડિયે સરકારી તેલ કંપનીઓએ સંકેત આપ્યો હતો કે જો આંતરરાષ્ટ્રીય બજારમાં ક્રૂડ ઓઇલની કિંમત બેરલ દીઠ $ 80 થી નીચે આવે છે, તો સરકારી તેલ કંપનીઓ દૈનિક ધોરણે કિંમતોની સમીક્ષા કરશે.

UAE અને સાઉદી અરેબિયામાંથી ભારતની તેલ આયાત વધી

અહેવાલો અનુસાર, ઓક્ટોબર 2023માં સંયુક્ત આરબ અમીરાત અને સાઉદી અરેબિયામાંથી ભારતની કુલ તેલની આયાત 10 મહિનાના ઉચ્ચ સ્તરે પહોંચી ગઈ છે. રશિયન ઓઈલ માટે ડિસ્કાઉન્ટ ઘટાડ્યા બાદ ભારતીય રિફાઈનર્સ હવે સાઉદી અરેબિયા અને યુએઈ પાસેથી વધુ ક્રૂડ ઓઈલ ખરીદી રહ્યા છે. ઓક્ટોબર મહિનામાં પણ ભારતીય તેલ બજારમાં રશિયાનો હિસ્સો છેલ્લા 9 મહિનામાં સૌથી ઓછો હતો. ખાડી દેશોમાંથી મોટા પ્રમાણમાં તેલની ખરીદી તેમજ ક્રૂડ ઓઈલના ભાવમાં ઘટાડાને કારણે ભવિષ્યમાં પેટ્રોલ અને ડીઝલના ભાવમાં ઘટાડો થઈ શકે છે.