કેન્દ્રીય નાણાંમંત્રી નિર્મલા સીતારમણ દ્વારા સંસદમાં રવિવારના રોજ રજૂ કર્યું છે. કેન્દ્રીય બજેટ 2026-27 માં કૃષિ ક્ષેત્ર માટે 1,62,671 કરોડ રૂપિયાની ફાળવણી કરવામાં આવી છે, જે ગત વર્ષ કરતા 7 ટકા વધુ છે. આ બજેટમાં ખેતીને આધુનિક બનાવવા અને ખેડૂતોને આત્મનિર્ભર બનાવવા માટે હાઈ-વેલ્યુ પાકો અને આર્ટિફિશિયલ ઇન્ટેલિજન્સ (AI) પર મોટો દાવ ખેલવામાં આવ્યો છે.
ચંદન, કાજુ અને નાળિયેર પર વિશેષ ભાર
સરકારે પરંપરાગત ખેતીની સાથે કિંમતી પાકોને પ્રોત્સાહન આપવા માટે 'નાળિયેર પ્રોત્સાહન યોજના' જાહેર કરી છે. આ ઉપરાંત, ભારતીય કાજુ અને કોકોને 2030 સુધીમાં ગ્લોબલ બ્રાન્ડ બનાવવા અને ચંદનની ખેતી દ્વારા ખેડૂતોની આવક વધારવા માટે રાજ્યો સાથે ભાગીદારી કરવામાં આવશે. પહાડી વિસ્તારોમાં અખરોટ અને બદામના ઉત્પાદન માટે પણ ખાસ જોગવાઈ કરાઈ છે.
