નાણામંત્રી નિર્મલા સીતારમણ 1 ફેબ્રુઆરી, 2026ના રોજ કેન્દ્રીય બજેટ રજૂ કરશે. આ બજેટથી મધ્યમ વર્ગ માટે સરળતાથી આવકવેરામાં રાહત, રોકાણમાં પ્રોત્સાહન અને રોજગાર માટે નવી તકો આપવાની અપેક્ષા છે. નવા આવકવેરા કાયદા એપ્રિલ 2026થી અમલમાં આવશે, તેથી આવકવેરામાં મોટા ફેરફારો થવાની શક્યતા ઓછી છે. છતાં, નાના સુધારાઓ લોકો માટે લાભદાયક થશે.
સ્ટાન્ડર્ડ ડિડક્શન ₹75,000થી વધારીને ₹1 લાખ
મધ્યમ વર્ગ માટે સ્ટાન્ડર્ડ ડિડક્શન ₹75,000થી વધારીને ₹1 લાખ કરવા, આરોગ્ય વીમા પર કર રાહત વધારવા, હોમ લોન વ્યાજ કપાત ₹2 લાખ સુધી વધારવા અને TDS નિયમોને સરળ બનાવવા જેવી સરળતા આપવામાં આવશે. આ સુધારા નાગરિકોની બચત વધારશે અને દૈનિક ખર્ચમાં સહાય કરશે.
આરોગ્ય ક્ષેત્રમાં
આરોગ્ય ક્ષેત્રમાં વધતા તબીબી ખર્ચને ધ્યાનમાં રાખીને, સરકાર વધુ કર રાહત અને નિવારક આરોગ્યસંભાળ પર ભાર આપવાની શક્યતા છે. ટાયર-2 શહેરોમાં નવી હોસ્પિટલો અને મેડિકલ કોલેજોમાં વધારો પણ બજેટમાં જોવા મળશે.
રિયલ એસ્ટેટ ક્ષેત્ર
રિયલ એસ્ટેટ ક્ષેત્ર માટે, પહેલા ઘર ખરીદનારાઓને રાહત, પરવડે તેવા આવાસ માટે મર્યાદા વધારવા અને ગ્રામ્ય તથા અર્ધ-શહેરી વિસ્તારોમાં માળખાગત સહાયની જાહેરાત થવાની શક્યતા છે. આ ક્ષેત્રના નિષ્ણાંતોએ જણાવ્યું છે કે, બજેટ 2026 રોકાણકારોનું વિશ્વાસ વધારશે અને શહેરી વિકાસમાં ઝડપી પ્રગતિ લાવશે.
AI જેવા ક્ષેત્રો પર કેન્દ્રિત નીતિઓ
માળખાગત વિકાસ, MSME, રોજગાર, સંરક્ષણ, રેલ્વે અને AI જેવા ક્ષેત્રો પર કેન્દ્રિત નીતિઓ દેશના લાંબા ગાળાના વિકાસ માટે મહત્વપૂર્ણ સાબિત થશે. બજેટ 2026 ભારતની આધુનિક અને ટકાઉ શહેરી વિકાસ યોજના માટે મજબૂત આધાર પુરું પાડશે
આ પણ વાંચો : Union Budget 2026 : શું વરિષ્ઠ નાગરિકોને મળશે મોટી કર ભેટ? ભાડાની આવક પર મળશે TDS રાહત !
