ઓસ્ટ્રેલિયાના દિગ્ગજ ક્રિકેટર ડેવિડ વોર્નરનો ભારત અને અહીંની સંસ્કૃતિ પ્રત્યેનો પ્રેમ સર્વવિદિત છે. દક્ષિણ ભારતીય સિનેમાના ચાહક રહેલા વોર્નર આ વખતે કૃષ્ણ ભક્તિના રંગમાં રંગાયેલા જોવા મળ્યા. જન્માષ્ટમીના પાવન અવસર પર તેમણે એક ખાસ સોશિયલ મીડિયા પોસ્ટ શેર કરીને ભારતીય ફેન્સનું દિલ જીતી લીધું છે.
https://www.instagram.com/p/Dc4ykdbFQEL/?utm_source=ig_web_button_share_sheet
જન્માષ્ટમી પર વોર્નરની ખાસ પોસ્ટ
ડેવિડ વોર્નરે પોતાના ઇન્સ્ટાગ્રામ સ્ટોરી પર જન્માષ્ટમીની શુભેચ્છાઓ પાઠવતી એક રસપ્રદ પોસ્ટ શેર કરી હતી. આ પોસ્ટમાં ભગવાન શ્રીકૃષ્ણ વાંસળી વગાડતા હોય તેવી તસવીર સાથે હિન્દીમાં "જય શ્રી કૃષ્ણ જન્માષ્ટમી" લખેલું હતું, જે સોશિયલ મીડિયા પર ખુબ વાયરલ થઈ રહી છે.
સોશિયલ મીડિયા પર જબરદસ્ત સક્રિયતા
આંતરરાષ્ટ્રીય ક્રિકેટમાંથી નિવૃત્તિ લીધા બાદ પણ વોર્નર વિશ્વભરની T20 લીગ્સમાં રમી રહ્યા છે. આ સાથે જ તેઓ સોશિયલ મીડિયા પર સતત સક્રિય રહે છે. ઇન્સ્ટાગ્રામ પર 10 મિલિયનથી વધુ ફોલોઅર્સ ધરાવતા વોર્નર અવારનવાર પોતાની પુત્રીઓ સાથેની મનોરંજક રીલ્સ અને ભારતીય કન્ટેન્ટ શેર કરતા હોય છે, જેને ચાહકો તરફથી ખૂબ પ્રેમ મળે છે.
ડેવિડ વોર્નરની શાનદાર આંતરરાષ્ટ્રીય કારકિર્દી
વોર્નરે ઓસ્ટ્રેલિયા માટે ૧૧૨ ટેસ્ટ, ૧૬૧ વનડે અને ૧૧૦ T20I મેચો રમી છે. ટેસ્ટમાં તેમણે ૪૪.૫૯ ની સરેરાશથી ૮,૭૮૬ રન (સર્વોચ્ચ સ્કોર ૩૩૫*) અને વનડેમાં ૪૫.૩૦ ની સરેરાશથી ૬,૯૩૨ રન બનાવ્યા છે. T20I માં પણ તેમણે ૧૪૨.૪૭ ના સ્ટ્રાઇક રેટથી ૩,૨૭૭ રન નોંધાવ્યા છે. વોર્નર આંતરરાષ્ટ્રીય ક્રિકેટના ત્રણેય ફોર્મેટમાં સદી ફટકારનારા વિશ્વના પસંદગીના બેટ્સમેનોમાં સ્થાન ધરાવે છે.
આ પણ વાંચો : BCCIનો મોટો નિર્ણય! એશિયન ગેમ્સમાં પહેલી વાર ભારત vs જાપાન વચ્ચે રમાશે T20 મેચ!