ભારતના 80મા સ્વતંત્રતા દિવસ (15 ઓગસ્ટ, 2026) ના ખાસ પ્રસંગે શ્રીલંકા સામે ગેલ ટેસ્ટના પ્રથમ દિવસે ભારતના યુવા ડાબા હાથના બેટ્સમેન દેવદત્ત પડિકલે શાનદાર રમતનું પ્રદર્શન કર્યું હતું. ઈજાગ્રસ્ત સાઈ સુદર્શનના સ્થાને પ્લેઈંગ ઈલેવનમાં સામેલ થયેલા પડિકલે આ તકનો પૂરતો લાભ ઉઠાવ્યો હતો અને પ્રથમ દિવસના અંત સુધી 131 રનની અણનમ ઇનિંગ્સ રમીને ભારતીય ટીમને 288/2 ના મજબૂત સ્કોર સુધી પહોંચાડી હતી.

સ્વતંત્રતા દિવસે પડિકલની યાદગાર સદી

આ સદી સાથે જ દેવદત્ત પડિકલ ટેસ્ટ ક્રિકેટના ઈતિહાસમાં 15 ઓગસ્ટના પાવન દિવસે સદી નોંધાવનાર પ્રથમ ભારતીય ક્રિકેટર બની ગયા છે. સોશિયલ મીડિયા પર પડિકલની સદી બાદ એવો દાવો વાયરલ થયો હતો કે તેઓ 15 ઓગસ્ટે સદી ફટકારનાર પ્રથમ અને એકમાત્ર ભારતીય છે. પરંતુ આ દાવો અંશતઃ સાચો છે.

ફેક્ટ ચેક વિગતો

જો માત્ર ટેસ્ટ ક્રિકેટની વાત કરવામાં આવે તો દેવદત્ત પડિકલ ૧૫ ઓગસ્ટે સદી ફટકારનાર પ્રથમ ભારતીય છે.2019 માં વેસ્ટ ઈન્ડિઝ સામે પોર્ટ ઓફ સ્પેનમાં રમાયેલી વનડેમાં વિરાટ કોહલીએ અણનમ 114 રન બનાવ્યા હતા. સ્થાનિક સમય મુજબ મેચ 14 ઓગસ્ટે શરુ થઈ હતી પરંતુ ભારતીય સમય મુજબ 15 ઓગસ્ટની સવારે કોહલીએ પોતાની સદી પૂરી કરી હતી. વિરાટ કોહલી ભારતના સ્વતંત્રતા દિવસ (15 ઓગસ્ટ) અને પ્રજાસત્તાક દિવસ (26 જાન્યુઆરી) બંને દિવસે આંતરરાષ્ટ્રીય સદી ફટકારનાર એકમાત્ર ભારતીય ખેલાડી છે. કોહલીએ 26 જાન્યુઆરી, 2012 ના રોજ એડિલેડમાં ઓસ્ટ્રેલિયા સામે પોતાની પ્રથમ ટેસ્ટ સદી (116 રન) નોંધાવી હતી.

આ પણ વાંચો: World News: પાકિસ્તાન રાષ્ટ્રપતિ ઝરદારીએ ઝેર ઓક્યું, "અમે હિન્દુ વસ્તીને સહન કરીએ છીએ"