ભારતીય ક્રિકેટ ટીમનો સ્ટાર ઓલરાઉન્ડર હાર્દિક પંડ્યા દિવાળીના રંગમાં રંગાયેલો જોવા મળ્યો છે. ક્રિકેટના મેદાનથી દૂર હાર્દિકે પોતાની પાર્ટનર માહિકા શર્મા અને દીકરા અગસ્ત્ય સાથે ઘરે પરંપરાગત રીતે નાની દિવાળીની ઉજવણી કરી હતી. આ ખાસ પ્રસંગની કેટલીક તસવીરો અને વીડિયો સોશિયલ મીડિયા પર શેર કરવામાં આવ્યા છે. જેમાં હાર્દિક પરિવાર સાથે પૂજા-અર્ચના કરતો જોવા મળી રહ્યો છે.હાર્દિકે શેર કરેલા વીડિયોમાં તે હાથમાં પ્રગટાવેલો દીવો ધરાવતી પૂજાની થાળી લઈને પ્રાર્થના કરતો જોવા મળે છે. તેની બાજુમાં ઊભેલો નાનકડો અગસ્ત્ય પણ હાથ જોડીને પૂજામાં જોડાય છે. જ્યારે માહિકા શર્મા પણ આ ધાર્મિક વિધિમાં ભાગ લેતી જોવા મળે છે.
પરિવાર સાથે હાર્દિકે કરી પૂજા-અર્ચના
હાર્દિક પંડ્યાના ઘરમાં દિવાળીની ઉજવણીનો માહોલ જોવા જેવો હતો. ઘરના મંદિરને રંગબેરંગી લાઇટ્સ અને ફૂલોની સજાવટથી શણગારવામાં આવ્યું હતું. મંદિરની આસપાસ ઝગમગતી લાઇટ્સ તહેવારના માહોલને વધુ સુંદર બનાવી રહી હતી.પૂજા માટેની જગ્યા પર પરંપરાગત પૂજાસામગ્રી પણ ગોઠવવામાં આવી હતી. પરિવારના તમામ સભ્યો એકસાથે મંદિર સામે એકઠા થયા હતા અને ધાર્મિક વિધિમાં જોડાયા હતા.વીડિયોમાં હાર્દિક હાથમાં પૂજાની થાળી લઈને ધાર્મિક પુસ્તકમાંથી પ્રાર્થના વાંચતો જોવા મળે છે. તેની બાજુમાં દીકરો અગસ્ત્ય હાથ જોડીને પ્રાર્થના કરતો જોવા મળે છે. માહિકા પણ આ પ્રસંગે હાર્દિક અને અગસ્ત્ય સાથે ઊભી રહીને પૂજામાં જોડાઈ હતી.
