હર્ષિત રાણા ઈંગ્લેન્ડ સામેની વનડે સિરીઝમાંથી બહાર થઈ ગયો છે. ભારત અને ઈંગ્લેન્ડ વચ્ચે 14 જુલાઈથી 19 જુલાઈ દરમિયાન ત્રણ મેચની વનડે સિરીઝ રમવાની છે. હર્ષિતને ઈંગ્લેન્ડ પ્રવાસ દરમિયાન હેમસ્ટ્રિંગની ઈજા થઈ હતી, જેના કારણે તે 14 જુલાઈથી શરૂ થનારી વનડે સિરીઝમાંથી બહાર થઈ ગયો છે.
ઈંગ્લેન્ડ ODI સિરીઝમાંથી બહાર થયો હર્ષિત રાણા
આ પહેલા હર્ષિત રાણા ઘૂંટણની ઈજાને કારણે ચાર મહિના માટે ટીમ ઈન્ડિયાની બહાર હતો. તે આયર્લેન્ડ પ્રવાસમાં રમવા માટે 4 મહિના પછી પરત ફર્યો. તેને આયર્લેન્ડ સામે બંને મેચ અને પછી ઈંગ્લેન્ડ સામે 3 મેચ રમી. મીડિયા રિપોર્ટ મુજબ હર્ષિત ટૂંક સમયમાં બેંગલુરુમાં બીસીસીઆઈ સેન્ટર ઓફ એક્સેલન્સની મુલાકાત લઈ શકે છે.
ઈંગ્લેન્ડ સામેની ચોથી T20I પહેલા એવી જાહેરાત કરવામાં આવી હતી કે હર્ષિત રાણા અને વરુણ ચક્રવર્તી હેમસ્ટ્રિંગની ઈજાને કારણે અંતિમ 2 T20Iમાંથી બહાર થઈ ગયા છે. હર્ષિત માટે આ ખરાબ સમાચાર છે, કારણ કે તે ઈંગ્લેન્ડ સામેની સિરીઝમાં રમી શકશે નહીં.
અત્યાર સુધી ભારતીય ટીમને યુકે પ્રવાસ પર હારનો સામનો કરવો પડ્યો છે. પહેલા તેઓ આયર્લેન્ડ સામે 0-2 થી હારી ગયા, અને પછી ઈંગ્લેન્ડે T20 સિરીઝમાં પણ તેમને હરાવ્યા. હવે ફક્ત ODI ટીમને આશા છે કે ટીમ ઈન્ડિયા યુકે પ્રવાસ ઓછામાં ઓછી કેટલીક સારી યાદો સાથે છોડશે.
વિરાટ-રોહિતનું કમબેક
વિરાટ કોહલી અને રોહિત શર્મા પણ ઈંગ્લેન્ડ સામેની ODI સિરીઝમાં રમતા જોવા મળશે. ખાસ કરીને વિરાટ જાન્યુઆરી 2026 પછી પહેલી વાર ટીમ ઈન્ડિયાની જર્સીમાં જોવા મળશે. ઈજાને કારણે વિરાટ અફઘાનિસ્તાન સામેની ODI સિરીઝમાં રમી શક્યો ન હતો. શુભમન ગિલ ODI ટીમની કેપ્ટનશીપ કરશે.
ઈંગ્લેન્ડની વનડે સિરીઝ માટેની ભારતીય ટીમ
શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ ઐયર (વાઈસ-કેપ્ટન), કેએલ રાહુલ (વિકેટકીપર), ઈશાન કિશન (વિકેટકીપર), વોશિંગ્ટન સુંદર, અક્ષર પટેલ, નીતિશ કુમાર રેડ્ડી, કુલદીપ યાદવ, જસપ્રીત બુમરાહ, પ્રસિદ્ધ કૃષ્ણા, હર્ષિત રાણા, અર્શદીપ સિંહ, ગુરનુર બ્રાર.
આ પણ વાંચો: Abhishek Sharma ઈશાન કિશનના રન આઉટ પર થયો ગુસ્સે, કહ્યું- શું કરી રહ્યો છે યાર...?
