ભારત સામેની 3 મેચની T20I સિરીઝમાં અફઘાનિસ્તાનની ટીમ સતત બીજી મેચમાં પણ હારી ગઈ છે. દિલ્હીના અરુણ જેટલી સ્ટેડિયમમાં રમાયેલી બીજી T20Iમાં ભારતે અફઘાનિસ્તાનને 7 વિકેટે હરાવ્યું હતું. અફઘાનિસ્તાને પ્રથમ બેટિંગ કરતાં 20 ઓવરમાં 8 વિકેટે 159 રન બનાવ્યા હતા. ભારતે આ લક્ષ્યાંક માત્ર 14.5 ઓવરમાં 3 વિકેટ ગુમાવીને મેળવી લીધો હતો. આ સાથે ભારતીય ટીમે સિરીઝમાં 2-0ની અજેય લીડ મેળવી લીધી છે.મેચ બાદ અફઘાનિસ્તાનના કેપ્ટન ઇબ્રાહિમ જાદરાને પોતાની ટીમના પ્રદર્શન અંગે વાત કરી હતી. તેમણે ખાસ કરીને પાવરપ્લેમાં બેટિંગને ટીમની મોટી ખામી ગણાવી હતી. જાદરાને સ્વીકાર્યું કે તેમની ટીમ શરૂઆતની ઓવરોમાં જરૂરી ઝડપથી રન બનાવી શકી નહોતી અને તેના કારણે ભારતે તેમના પર દબાણ બનાવ્યું હતું.
પાવરપ્લેમાં મળી ન શક્યું જરૂરી મોમેન્ટમ
ઇબ્રાહિમ જાદરાને કહ્યું કે અફઘાનિસ્તાન પાવરપ્લેમાં સારી બેટિંગ કરી શક્યું નહોતું. ટીમને શરૂઆતની ઓવરોમાં જરૂરી ગતિ મળી નહોતી અને ભારતીય બોલરોએ તેનો ફાયદો ઉઠાવ્યો હતો. તેમણે ભારતીય બોલિંગને પણ શ્રેય આપ્યો હતો.જાદરાને જણાવ્યું કે પ્રથમ મેચમાં મળેલી હાર બાદ ટીમના ડ્રેસિંગ રૂમમાં પોતાની ભૂલો અંગે ચર્ચા કરવામાં આવી હતી. ટોચની આંતરરાષ્ટ્રીય ટીમો સામે રમતી વખતે કેવો અભિગમ રાખવો જોઈએ તેના પર પણ ચર્ચા થઈ હતી. જોકે, બીજી T20Iમાં ટીમ આ યોજના મેદાન પર યોગ્ય રીતે અમલમાં મૂકી શકી નહોતી.
150-160 નહીં, 200થી વધુ રન બનાવવાનું લક્ષ્ય
જાદરાને વધુમાં જણાવ્યું કે ટીમે ડ્રેસિંગ રૂમમાં 150-160 રનના સામાન્ય સ્કોરને 200થી વધુ રનમાં ફેરવવા અંગે ચર્ચા કરી હતી. આ માટે બેટ્સમેનોએ શરૂઆતથી જ યોગ્ય અભિગમ સાથે રમવાની જરૂર છે.તેમના મતે પાવરપ્લેમાં આક્રમક રીતે રમતાં 60 રન સુધી પહોંચી શકાય તો તે સારી શરૂઆત બની શકે છે. પરંતુ સૌથી મહત્વની બાબત એ છે કે ટીમના બેટ્સમેનોએ મોટા સ્કોરના લક્ષ્ય સાથે મેદાનમાં ઉતરવું જોઈએ.બીજી મેચમાં અફઘાનિસ્તાનની ટીમ આ વિચારને અમલમાં મૂકી શકી નહોતી. જાદરાને પણ આ વાત સ્વીકારી હતી. તેમણે કહ્યું કે ટીમે જરૂરી ઇરાદો દર્શાવ્યો નહોતો અને હવે આ ક્ષેત્રમાં સુધારો કરવાની જરૂર છે.
https://x.com/ACBofficials/status/2099906702380302539?s=20
શ્રેયસ અય્યરે પણ ફેરફારના આપ્યા સંકેત
બીજી તરફ ભારતે સિરીઝમાં 2-0ની અજેય લીડ મેળવી લીધી છે. આ જીત બાદ ભારતીય કેપ્ટન શ્રેયસ અય્યરે ત્રીજી T20Iમાં ટીમના સંયોજનમાં ફેરફારના સંકેત આપ્યા છે.શ્રેયસ અય્યરે કહ્યું હતું કે ત્રીજી મેચમાં પ્રથમ 2 મેચમાં બહાર રહેલા ખેલાડીઓને તક આપવાની સારી તક છે. ટીમ પાસે પ્લેઇંગ ઇલેવનમાં થોડો ફેરફાર કરવાની છૂટ છે. આ નિવેદન બાદ વૈભવ સૂર્યવંશી, યશ ઠાકુર અને વોશિંગ્ટન સુંદર જેવા ખેલાડીઓને અંતિમ મેચમાં તક મળવાની ચર્ચા શરૂ થઈ છે.ભારત સિરીઝ જીતી ચૂક્યું છે, જ્યારે અફઘાનિસ્તાન હવે છેલ્લી મેચ જીતીને વ્હાઇટવોશથી બચવાનો પ્રયાસ કરશે. તેથી ત્રીજી T20I બંને ટીમો માટે અલગ હેતુ સાથે મહત્વપૂર્ણ બની રહેશે.
આ પણ વાંચો - Tendulkar Family Ganesh Festival : ગણેશ ઉત્સવમાં તેંડુલકર પરિવારની સાદગીએ સોશિયલ મીડિયા પર મચાવી ધૂમ!
