ભારત અને અફઘાનિસ્તાન વચ્ચે રમાઈ રહેલી પ્રથમ T20 મેચમાં ભારતીય ટીમની બોલિંગ દરમિયાન શિવમ દુબેની મોંઘી ઓવરે સૌનું ધ્યાન ખેંચ્યું હતું. અફઘાનિસ્તાનની ઇનિંગ્સની છેલ્લી ઓવર દુબેને સોંપવામાં આવી હતી, પરંતુ તે ઓવરમાં તેણે 21 રન આપી દીધા હતા. આ કારણે ભારતીય કેપ્ટન શ્રેયસ અય્યરના નિર્ણય પર પણ સવાલો ઉઠવા લાગ્યા હતા.દુબેની ઓવરમાં અફઘાનિસ્તાનના અજમતુલ્લાહ ઓમરઝાઈએ આક્રમક બેટિંગ કરી હતી. તેણે 2 છગ્ગા અને 2 ચોગા ફટકારીને ટીમના સ્કોરમાં ઝડપથી વધારો કર્યો હતો. આ મોંઘી ઓવરનું પરિણામ એ આવ્યું કે અફઘાનિસ્તાનની ટીમ 156 રન સુધી પહોંચી ગઈ.
છેલ્લી ઓવર દુબેને આપવાનો નિર્ણય ચર્ચામાં
અફઘાનિસ્તાનની ઇનિંગ્સના અંતિમ તબક્કામાં ભારતીય ટીમને વિકેટની જરૂર હતી. જોકે, કેપ્ટન શ્રેયસ અય્યરે છેલ્લી 6 બોલ માટે શિવમ દુબે પર વિશ્વાસ મૂક્યો હતો. દુબે આ તકનો લાભ ઉઠાવી શક્યો નહોતો અને તેની એક ઓવરમાં જ 21 રન આવી ગયા.સોશિયલ મીડિયા પર ચાહકોએ દુબેની બોલિંગની સાથે કેપ્ટનના નિર્ણય અંગે પણ ચર્ચા કરી હતી. ખાસ કરીને જ્યારે ટીમ પાસે જસપ્રીત બુમરાહ અને અર્શદીપ સિંહ જેવા અનુભવી ઝડપી બોલર હાજર હતા ત્યારે અંતિમ ઓવર દુબેને કેમ આપવામાં આવી તે સવાલ ચર્ચામાં રહ્યો હતો.
https://x.com/academy_dinda/status/2099164561274482805?s=20
નીતિશ કુમાર રેડ્ડી પણ મોંઘા સાબિત થયા
માત્ર શિવમ દુબે જ નહીં, નીતિશ કુમાર રેડ્ડીની બોલિંગ પણ અફઘાનિસ્તાન સામે અસરકારક રહી નહોતી. નીતિશે 2 ઓવરમાં 30 રન આપી દીધા હતા અને તેને એક પણ વિકેટ મળી નહોતી.આ રીતે દુબે અને નીતિશે મળીને માત્ર 3 ઓવરમાં 51 રન આપી દીધા હતા. ખાસ વાત એ છે કે બંને ટીમમાં ઓલરાઉન્ડરની ભૂમિકા માટે રમે છે. આવી સ્થિતિમાં તેમની બોલિંગ ટીમ માટે ચિંતાનો વિષય બની શકે છે.બીજી તરફ ભારતના અન્ય બોલરોએ 17 ઓવરમાં 105 રન આપીને 6 વિકેટ ઝડપી હતી. આ આંકડા દર્શાવે છે કે મુખ્ય બોલરોએ મોટાભાગે અફઘાનિસ્તાનના બેટરોને નિયંત્રણમાં રાખ્યા હતા.
બુમરાહ અને અર્શદીપે શાનદાર બોલિંગ કરી
લાંબા સમય બાદ ટીમમાં પરત ફરેલા જસપ્રીત બુમરાહે મેચની શરૂઆતમાં જ પોતાની અસર દેખાડી હતી. તેણે પ્રથમ ઓવરમાં રહમાનુલ્લાહ ગુરબાઝને આઉટ કરીને ભારતને શરૂઆતની સફળતા અપાવી હતી.અર્શદીપ સિંહે પણ શાનદાર બોલિંગ કરી હતી. તેણે 4 ઓવરમાં માત્ર 19 રન આપીને 3 વિકેટ ઝડપી હતી. અક્ષર પટેલે 27 રન આપીને 1 વિકેટ લીધી હતી, જ્યારે વરુણ ચક્રવર્તીએ પણ ખૂબ કિફાયતી બોલિંગ કરી હતી. તેણે 4 ઓવરમાં માત્ર 16 રન આપીને 1 વિકેટ મેળવી હતી.
આ પણ વાંચો - IND vs AFG T20: 94 વર્ષમાં પહેલીવાર બન્યું આવું, ભારતમાં મેચ છતાં અફઘાન કેપ્ટને કેમ ઉછાળ્યો ટોસનો સિક્કો?
