ભારતે ન્યૂઝીલેન્ડ સામેની પાંચ મેચની વનડે શ્રેણી 3-1થી જીતી લીધી છે. રવિવારે માઉન્ટ મૌંગાનુઈના બે ઓવલ મેદાન પર ભારતે પાંચમી વનડે ૨૨ રનથી જીતી લીધી. ભારતે 210 રનનો લક્ષ્યાંક આપ્યો હતો,ત્યારબાદ બોલરોએ ભારે તબાહી મચાવી દીધી અને કિવી ટીમને 48.1 ઓવરમાં187 રનમાં ઓલઆઉટ કરી દીધી. અર્શદીપ સિંહે 10 ઓવરમાં 30 રન આપીને ત્રણ વિકેટ લીધી. તેને પ્લેયર ઓફ ધ મેચ જાહેર કરવામાં આવ્યો. મોહમ્મદ સિરાજ અને અક્ષર પટેલે બે-બે વિકેટ લીધી જ્યારે આકિબ નીબ, યશ ઠાકુર અને નમન ધીરે એક-એક વિકેટ લીધી.
ન્યૂઝીલેન્ડની બેટિંગ નિષ્ફળ
ન્યૂઝીલેન્ડ તરફથી ડીન ફોક્સક્રોફ્ટ (31) સૌથી વધુ રન બનાવ્યા. કેપ્ટન મિશેલ સેન્ટનર અને નિક હેરીએ 24 રનનું યોગદાન આપ્યું. ક્રિશ્ચિયન ક્લાર્કે 16,જ્યારે ટિમ સીફર્ટ અને બ્લેર ટિકનરે 14 રન બનાવ્યા. ન્યૂઝીલેન્ડે 83 રનમાં ચાર વિકેટ ગુમાવી દીધી અને વાપસી કરવામાં નિષ્ફળ ગયું. અગાઉ, ટોસ હારીને પ્રથમ બેટિંગ કરનાર ભારત 42.1 ઓવરમાં 209 રનમાં ઓલઆઉટ થઈ ગયું. ઈશાન કિશન અને અક્ષર પટેલ બે બેટ્સમેન હતા જેઓ અડધી સદી ચૂકી ગયા અને 46-46 રન બનાવીને આઉટ થયા.