ક્રિકેટને અનિશ્ચિતતાઓની રમત કહેવામાં આવે છે અને ન્યૂઝીલેન્ડ સામેની ચોથી વનડેમાં તેનું સૌથી મોટું ઉદાહરણ જોવા મળ્યું હતું. વનડે ક્રિકેટમાં નંબર-1 ભારતીય ટીમની બેટિંગની શરૂઆત એટલી ખરાબ રહી કે પ્રથમ 3 બેટ્સમેન પોતાનું ખાતું પણ ખોલી શક્યા નહોતા. મેટ હેનરીએ પ્રથમ જ ઓવરમાં રોહિત શર્મા, વિરાટ કોહલી અને શ્રેયસ અય્યરને પેવેલિયનનો રસ્તો બતાવ્યો હતો. આ સાથે જ ભારતીય ક્રિકેટના ઇતિહાસમાં એક શરમજનક રેકોર્ડ નોંધાયો હતો.
0 રનમાં ગુમાવી દીધી 3 વિકેટ
ન્યૂઝીલેન્ડ સામેની ચોથી વનડેમાં ભારતીય ટીમની શરૂઆત કોઈ ખરાબ સપનાથી ઓછી નહોતી. પ્રથમ ઓવર નાખવા આવેલા મેટ હેનરીએ પોતાની ઘાતક બોલિંગથી ભારતીય બેટિંગની કમર તોડી નાખી હતી.તેણે પ્રથમ બોલ પર રોહિત શર્માને આઉટ કર્યો હતો. ત્યારબાદ બીજા બોલ પર વિરાટ કોહલીને પેવેલિયન મોકલ્યો હતો. જ્યારે ત્રીજા બેટ્સમેન શ્રેયસ અય્યર પણ પોતાની ઇનિંગ્સમાં એક પણ રન ઉમેરી શક્યા નહોતા.આ રીતે ભારતીય ટીમે એક પણ રન બનાવ્યા વિના પોતાની પ્રથમ 3 વિકેટ ગુમાવી દીધી હતી. વનડે ક્રિકેટના ઇતિહાસમાં ભારતીય ટીમ સાથે આવું પહેલીવાર બન્યું હતું.
