ભારત અને વેસ્ટ ઈન્ડિઝ વચ્ચે રમાઈ રહેલી 5 મેચની T20 સીરિઝની નિર્ણાયક મેચ આજે બેંગલુરુના એમ. ચિન્નાસ્વામી સ્ટેડિયમમાં રમાવાની છે. શ્રેણી હાલમાં 2-2થી બરાબર હોવાથી બંને ટીમો માટે આ મુકાબલો અત્યંત મહત્વનો છે. આ મેચ પહેલાં ભારતીય ટીમમાં બે મોટા ફેરફાર થવાની શક્યતા ચર્ચામાં છે. યુવા બેટ્સમેન વૈભવ સૂર્યવંશીને તક મળી શકે છે, જ્યારે અનુભવી ઝડપી બોલર ભુવનેશ્વર કુમાર પણ પ્લેઇંગ-11માં વાપસી કરી શકે છે.
ભુવનેશ્વર કુમાર ટીમમાં સામેલ
ભુવનેશ્વર કુમારને ઈજાગ્રસ્ત અર્શદીપ સિંહના કવર તરીકે ટીમમાં સામેલ કરવામાં આવ્યા છે. જો અર્શદીપ સમયસર ફિટ નહીં થાય, તો ભુવનેશ્વરને અંતિમ T20માં રમવાની તક મળી શકે છે. જોકે, અંતિમ નિર્ણય ટીમ મેનેજમેન્ટ અને ખેલાડીઓની ફિટનેસ પર નિર્ભર રહેશે.
અભિષેક શર્માની જગ્યાએ વૈભવ સૂર્યવંશીને તક મળશે?
ભારતીય ટીમના યુવા ઓપનર અભિષેક શર્માનું બેટ છેલ્લી કેટલીક મેચોમાં અપેક્ષા મુજબ ચાલ્યું નથી. હૈદરાબાદમાં રમાયેલી ચોથી T20 મેચમાં તેમણે 24 બોલમાં 29 રન બનાવ્યા હતા. આ પહેલાં લખનઉમાં રમાયેલી પ્રથમ મેચમાં તેમણે 21 રન અને રાંચીમાં બીજી મેચમાં 20 રન બનાવ્યા હતા.આ પ્રદર્શનને ધ્યાનમાં રાખીને ટીમ મેનેજમેન્ટ પાંચમી T20માં ફેરફાર કરવાનું વિચારી શકે છે. અભિષેક શર્માની જગ્યાએ યુવા ખેલાડી વૈભવ સૂર્યવંશીને તક આપવાની શક્યતા ચર્ચાઈ રહી છે.વૈભવને તક મળે તો તેમના માટે આંતરરાષ્ટ્રીય સ્તરે પોતાની પ્રતિભા દર્શાવવાની આ મહત્વપૂર્ણ તક બની શકે છે. જોકે, તેમને અંતિમ અગિયારમાં સ્થાન મળશે કે નહીં તે અંગે સત્તાવાર જાહેરાતની રાહ જોવી પડશે.
ભુવનેશ્વર કુમારની લગભગ 4 વર્ષ બાદ વાપસી?
ભારતીય ઝડપી બોલર અર્શદીપ સિંહને હૈદરાબાદમાં રમાયેલી ચોથી T20 દરમિયાન ખભામાં ઈજા થઈ હતી. તેમની ફિટનેસ અંગેની સ્થિતિને ધ્યાનમાં રાખીને ભુવનેશ્વર કુમારને કવર તરીકે ટીમમાં સામેલ કરવામાં આવ્યા છે.જો અર્શદીપ સંપૂર્ણપણે ફિટ નહીં થાય, તો ભુવનેશ્વરને પ્લેઇંગ-11માં સ્થાન મળી શકે છે. તેમની પાસે નવી બોલથી સ્વિંગ મેળવવાનો અને ડેથ ઓવર્સમાં ચોકસાઈથી બોલિંગ કરવાનો સારો અનુભવ છે.ભુવનેશ્વર કુમારે ભારત માટે છેલ્લી આંતરરાષ્ટ્રીય મેચ નવેમ્બર 2022માં ન્યૂઝીલેન્ડ સામે રમી હતી. તેથી જો તેમને પાંચમી T20માં રમવાની તક મળે, તો લગભગ 4 વર્ષ બાદ ભારતીય ટીમમાં તેમની વાપસી થશે.
https://x.com/cricsam02/status/2111061495622873519?s=20
શ્રેણી જીતવા માટે ભારત પાસે છેલ્લી તક
ભારત અને વેસ્ટ ઈન્ડિઝ વચ્ચેની શ્રેણી 2-2થી બરાબર હોવાથી પાંચમી મેચનું મહત્વ વધી ગયું છે. ભારતીય ટીમ પોતાના ઘરઆંગણે શ્રેણી જીતવા માટે મેદાનમાં ઉતરશે. બીજી તરફ વેસ્ટ ઈન્ડિઝની ટીમ પણ નિર્ણાયક મુકાબલો જીતીને શ્રેણી પોતાના નામે કરવા પ્રયાસ કરશે.હવે સૌની નજર એ વાત પર રહેશે કે વૈભવ સૂર્યવંશીને આંતરરાષ્ટ્રીય સ્તરે તક મળે છે કે નહીં અને ભુવનેશ્વર કુમાર લગભગ 4 વર્ષ બાદ ટીમ ઈન્ડિયાની જર્સીમાં મેદાન પર ઉતરે છે કે નહીં.
ભારતની સંભવિત પ્લેઇંગ-11
સંજુ સેમસન,વૈભવ સૂર્યવંશી,ઈશાન કિશન,શ્રેયસ અય્યર,તિલક વર્મા,નમન ધીર,નીતિશ કુમાર રેડ્ડી,અક્ષર પટેલ,ભુવનેશ્વર કુમાર,પ્રિન્સ યાદવ,મયંક યાદવ
આ પણ વાંચો - Morne Morkel Statement : ટ્રોલર્સ પર ભડક્યા ટીમ ઈન્ડિયાના બોલિંગ કોચ, ટીકા કરનારાઓને આપ્યો જડબાતોડ જવાબ!
