ભારત અને અફઘાનિસ્તાન 3 મેચની T20 સિરીઝ રમવા માટે તૈયાર છે, જેના માટે BCCIએ 1 સપ્ટેમ્બરે પોતાની ટીમની જાહેરાત કરી હતી. સંજુ સેમસન, જસપ્રીત બુમરાહ સહિત, વાપસી કરનારા ખેલાડીઓમાં સામેલ છે. પહેલી મેચ 13 સપ્ટેમ્બરે દિલ્હીના અરુણ જેટલી સ્ટેડિયમમાં રમાશે. કેપ્ટન શ્રેયસ ઐયર આ પ્રકારની પ્લેઈંગ ઈલેવનને મેદાનમાં ઉતારી શકે છે.
આ ઓપનિંગ જોડી હોઈ શકે છે
અફઘાનિસ્તાન સામે ભારતીય ટીમની શરૂઆતની મેચમાં સંજુ સેમસન અને અભિષેક શર્મા શરૂઆત કરે તેવી અપેક્ષા છે. અભિષેક શર્મા શાનદાર ફોર્મમાં છે, તેને શેર-એ-પંજાબ T20 લીગમાં સતત 2 અડધી સદી ફટકારી છે. વધુમાં સંજુ શરૂઆતની મેચમાં વૈભવનું સ્થાન લે તેવી અપેક્ષા છે. આ જોડીએ ભારત માટે સારું પ્રદર્શન કર્યું છે.
આ ખેલાડીઓને મિડલ ઓર્ડરમાં મળી શકે છે તક
ઈશાન કિશન નંબર 3 પર બેટિંગ કરી શકે છે. ઈશાન T20Iમાં ભારત માટે સતત સારું પ્રદર્શન કરી રહ્યો છે. તેને ઝિમ્બાબ્વે સામેની 3 મેચની T20I સિરીઝમાં પણ શાનદાર પ્રદર્શન કર્યું. કેપ્ટન શ્રેયસ ઐયર નંબર 4 પર બેટિંગ કરે તેવી શક્યતા છે. તે T20Iમાં આ સ્થાન પર બેટિંગ કરવાનું પસંદ કરે છે. તિલક વર્મા, જે ટીમના વાઈસ-કેપ્ટન પણ છે, તે નંબર 5 પર જવાબદારી સંભાળી શકે છે.
તિલક પણ ભારત માટે સારું પ્રદર્શન કરી રહ્યા છે. તેને દુલીપ ટ્રોફી સેમીફાઈનલમાં નોર્થ ઝોન સામેની પહેલી મેચમાં સદી અને બીજી મેચમાં અડધી સદી ફટકારી હતી. વોશિંગ્ટન સુંદર, નીતિશ કુમાર રેડ્ડી અને અક્ષર પટેલ લોઅર ઓર્ડરમાં બેટિંગ શરૂ કરી શકે છે. અક્ષર પટેલ અને નીતીશ કુમાર રેડ્ડી ફિનિશિંગ ભૂમિકાઓ માટે જવાબદાર હોઈ શકે છે.
બોલિંગ વિભાગ પર એક નજર
વોશિંગ્ટન સુંદર, અક્ષર પટેલ અને મિસ્ટ્રી બોલર વરુણ ચક્રવર્તી સ્પિન વિભાગનું નેતૃત્વ કરશે તેવી અપેક્ષા છે. આ ત્રિપુટી અફઘાન બેટ્સમેનને મુશ્કેલીમાં મૂકી શકે છે. આ દરમિયાન જસપ્રીત બુમરાહ અને હર્ષિત રાણા મુખ્યત્વે ઝડપી બોલિંગ વિભાગનું નેતૃત્વ કરશે તેવી અપેક્ષા છે. નીતીશ રેડ્ડી બોલિંગ પણ કરી શકે છે.
અફઘાનિસ્તાન સામેની પ્રથમ T20 માટે ભારતની સંભવિત પ્લેઈંગ 11
સંજુ સેમસન, અભિષેક શર્મા, ઈશાન કિશન (વિકેટકીપર), શ્રેયસ ઐયર (કેપ્ટન), તિલક વર્મા (વાઈસ-કેપ્ટન), વોશિંગ્ટન સુંદર, અક્ષર પટેલ, હર્ષિત રાણા, નીતિશ કુમાર રેડ્ડી, વરુણ ચક્રવર્તી અને જસપ્રીત બુમરાહ.
આ પણ વાંચો: Team Indiaમાંથી આ સ્ટાર ખેલાડીઓને બહાર કરવામાં આવ્યા, BCCIએ કેમ લીધો મોટો નિર્ણય?
