ઝડપી બોલર ભુવનેશ્વર કુમાર છેલ્લે 2022 માં ટીમ ઈન્ડિયા માટે રમ્યો હતો. ત્યારથી તેને પ્રભાવશાળી પ્રદર્શન સાથે પોતાનું ફોર્મ ફરીથી સ્થાપિત કર્યું છે. આ સિઝનમાં ખાસ કરીને ભુવનેશ્વરની બોલિંગને કારણે સિલેક્ટર્સે તેને ભારતીય ટીમમાં પાછો બોલાવી શકે છે. તે હાલમાં પર્પલ કેપની દોડમાં છે અને તે જીતી પણ શકે છે.
ભુવનેશ્વર કુમારે 2012 માં ટીમ ઈન્ડિયા માટે ડેબ્યૂ કર્યું હતું
ભુવનેશ્વર કુમારે 2012 માં પાકિસ્તાન સામે ઈન્ટરનેશનલ ક્રિકેટમાં પ્રવેશ કર્યો હતો. તે પછી તે ટીમ ઈન્ડિયાનો નિયમિત સભ્ય રહ્યો. પરંતુ 2022 પછી તેને અચાનક ભૂલી જવામાં આવ્યો. તેની છેલ્લી T20 ઈન્ટરનેશનલ મેચમાં ભુવીએ 4 ઓવરમાં 35 રન આપ્યા અને કોઈ સફળતા મળી નહીં.
આ દરમિયાન જો આપણે ભુવનેશ્વર કુમારના T20 ઈન્ટરનેશનલ કરિયરની વાત કરીએ તો તેને 87 મેચોમાં 90 વિકેટ લીધી છે. આ સમયગાળા દરમિયાન તેની એવરેજ 23.10 હતી અને તેને 6.96 ની ઈકોનોમી સાથે બોલિંગ કરી હતી.
ભુવી 24 વિકેટ સાથે પર્પલ કેપની રેસમાં સૌથી આગળ
આ વર્ષની IPLમાં ભુવનેશ્વર કુમારે 14 મેચોમાં 24 વિકેટ લીધી છે, જેના કારણે તે આ વર્ષે સૌથી વધુ વિકેટ લેનાર બોલર બન્યો છે. કાગીસો રબાડાએ પણ 24 વિકેટ લીધી છે. પરંતુ ભુવનેશ્વર કુમારનો ઈકોનોમી રેટ વધુ સારો છે, જેના કારણે તે ટોપનું સ્થાન ધરાવે છે. રસપ્રદ વાત એ છે કે ભુવનેશ્વર કુમાર RCB તરફથી રમે છે અને કાગીસો રબાડા ગુજરાત ટાઈટન્સ તરફથી રમે છે. બંને ટીમો પ્લેઓફમાં છે, તેથી બંને પાસે પર્પલ કેપ જીતવાની તક છે.
ફરી એકવાર પરત ફરવાની શક્યતા
ભુવી હવે લગભગ 36 વર્ષનો છે, છતાં તે હજુ પણ જબરદસ્ત ચપળતા દર્શાવે છે. આ વર્ષે IPLમાં જસપ્રીત બુમરાહ વિકેટ મેળવવા માટે સંઘર્ષ કરી રહ્યો હતો, ત્યારે ભુવીએ લગભગ દરેક મેચમાં સફળતા મેળવી અને પોતાની બેટિંગથી ટીમને મદદ કરી. હવે જોવાનું એ છે કે સિલેક્ટર્સ ભુવનેશ્વર કુમાર પર પુનર્વિચાર કરશે કે તેને ભૂલી જશે.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?
