વિરાટ કોહલીએ રોયલ ચેલેન્જર્સ બેંગલુરુને સતત બીજું IPL ટાઈટલ અપાવ્યું. રવિવારે અમદાવાદના નરેન્દ્ર મોદી સ્ટેડિયમ ખાતે રમાયેલી ફાઈનલમાં વિરાટ કોહલીએ ગુજરાત ટાઈટન્સ સામે અણનમ 75 રન બનાવ્યા, જેનાથી RCBને તેમનો ખિતાબ બચાવવામાં મદદ મળી.
વિરાટ કોહલીએ સિક્સ વડે આરસીબીની જીત પર મહોર મારી. તેને 42 બોલમાં 9 ચોગ્ગા અને 3 છગ્ગાની મદદથી અણનમ 75 રન બનાવ્યા. તેની ઈનિંગથી RCBએ 12 બોલ બાકી રહેતા ગુજરાતને 5 વિકેટથી હરાવ્યું. આ ઈનિંગથી વિરાટ કોહલીએ પોતાની "ચેઝ માસ્ટર" પ્રતિષ્ઠા પર ખરા ઉતર્યો.
ફાઈનલમાં વિરાટ કોહલીએ અડધી સદી ફટકારતા જ આખું સ્ટેડિયમ ઉત્સાહથી છવાઈ ગયું. વિરાટ કોહલીની પત્ની બોલીવુડ એક્ટ્રેસ અનુષ્કા શર્મા પણ સ્ટેન્ડમાં હાજર હતી અને ડાન્સ કરીને પોતાનો આનંદ વ્યક્ત કર્યો હતો. અનુષ્કાએ પણ તેના પતિને ફ્લાઈંગ કિસ આપી હતી. અનુષ્કાનો વિરાટને ફ્લાઈંગ કિસ આપતો એક વીડિયો સોશિયલ મીડિયા પર વાયરલ થયો છે.
https://www.instagram.com/p/DZA3kmbzUPy/
https://twitter.com/Cricket_live247/status/2061143070213898386
આરસીબીના કેપ્ટન રજત પાટીદારે ટોસ જીતીને પ્રથમ બોલિંગ કરવાનો નિર્ણય લીધો. ગુજરાત ટાઈટન્સે નિર્ધારિત 20 ઓવરમાં આઠ વિકેટ ગુમાવીને 155 રન બનાવ્યા. જવાબમાં કોહલીની શાનદાર ઇનિંગના કારણે આરસીબીએ 18 ઓવરમાં 5 વિકેટ ગુમાવીને ટાર્ગેટ હાંસલ કરી લીધું.
https://twitter.com/uf2151593/status/2061151641420857412
પોતાના ટાઈટલનો બચાવ કરીને RCB મુંબઈ ઈન્ડિયન્સ અને ચેન્નાઈ સુપર કિંગ્સ સાથે એક ખાસ ક્લબમાં જોડાઈ ગયું. ત્રણેય ટીમોએ સફળતાપૂર્વક પોતાના ટાઈટલનો બચાવ કર્યો છે. CSKએ 2010 માં ખિતાબ જીત્યો હતો અને પછી 2011 માં તેનો બચાવ કર્યો હતો. મુંબઈ ઈન્ડિયન્સે 2019 માં ખિતાબ જીત્યો હતો અને 2020 માં તેનો બચાવ કર્યો હતો. હવે RCB આ ક્લબમાં જોડાઈ ગયું છે.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?