રોયલ ચેલેન્જર્સ બેંગલુરુ સતત બીજા વર્ષે IPL ફાઈનલમાં પહોંચ્યું છે. પોઈન્ટ ટેબલમાં પહેલા ક્રમે રહેલી RCB એ પહેલી ક્વોલિફાયરમાં ગુજરાત ટાઈટન્સને હરાવ્યું હતું. RCB હજુ સુધી ડિફેન્ડીંગ ચેમ્પિયન છે. 2016 પહેલા, ટીમ 2011 અને 2009 માં ફાઈનલમાં પહોંચી હતી પરંતુ હારી ગઈ હતી. પરંતુ આ વખતે પણ ટીમ પાસે એક એવો ખેલાડી છે જે ક્યારેય ફાઈનલ હાર્યો નથી.
ફાઈનલમાં જોશ હેઝલવુડ અણનમ રહ્યો
RCB પાસે ઓસ્ટ્રેલિયન ફાસ્ટ બોલર જોશ હેઝલવુડ છે . હેઝલવુડ તેના કરિયરમાં ક્યારેય ફાઇનલ હાર્યો નથી. તે તેના કરિયરમાં 7 ફાઈનલ રમ્યો છે, અને તેની ટીમે તે બધી જીતી છે. 2012માં હેઝલવુડ સિડની સિક્સર્સ માટે ચેમ્પિયન્સ લીગ T20 ફાઈનલમાં રમ્યો હતો, જે ટીમ જીતી હતી. તે 2015 ના વર્લ્ડકપ ફાઈનલમાં પહોંચેલી ટીમનો પણ ભાગ હતો.
જોશ હેઝલવુડ 2020 બિગ બેશ લીગ, 2021 IPL અને 2021 T20 વર્લ્ડકપમાં વિજેતા ટીમનો પણ ભાગ હતો. ઓસ્ટ્રેલિયાએ 2023 નો વર્લ્ડકપ પણ જીત્યો હતો, અને હેઝલવુડ તે મેચમાં રમ્યો હતો. આ સિવાય IPL 2025માં હેઝલવુડ RCBની ટીમમાં સામેલ હતો, અને RCBએ 18મી સીઝનમાં પહેલીવાર ટાઈટલ જીત્યું હતું.
ફાઈનલ જેમાં જોશ હેઝલવુડ ભાગ લઈ ચૂક્યો છે
2012 CLT20 (સિડની સિક્સર્સ માટે જીત)
2015 WC (ઓસ્ટ્રેલિયા માટે જીત)
2020 BBL (સિડની સિક્સર્સ માટે જીત)
2021 IPL (CSK માટે જીત)
2021 T20WC (ઓસ્ટ્રેલિયા માટે જીત)
2023 WC (ઓસ્ટ્રેલિયા માટે જીત)
2025 IPL (RCB માટે જીત)
જોશ હેઝલવુડ આઈપીએલ 2026માં રોયલ ચેલેંજર્સ બેંગલુરુની ટીમનો મહત્વનો હિસ્સો છે અને તેની શાનદાર બોલિંગથી ટીમ સતત બીજી વખતના ફાઈનલમાં પહોંચે છે. લખનૌ સુપર જાયન્ટ્સ સામેની એક મહત્વપૂર્ણ મેચમાં જોશ હેઝલવુડે ધમાકેદાર બોલિંગ કરી, 4 ઓવરમાં માત્ર 20 રન આપીને 1 વિકેટ લીધી. તેની ચુસ્ત બોલિંગે તેને પ્લેયર ઓફ ધ મેચનો એવોર્ડ અપાવ્યો.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?
