પંજાબ કિંગ્સે લખનૌ સુપર જાયન્ટ્સને 7 વિકેટથી હરાવ્યું. કેપ્ટન શ્રેયસ ઐયરે પોતાના IPL કરિયરની પહેલી સદી ફટકારીને પંજાબને જીત તરફ દોરી જવી જોઈએ તેવી મેચમાં વિજય અપાવ્યો. આ જીત સાથે પંજાબની પ્લેઓફની આશા જીવંત રહી છે.
PBKS પાસે હવે 15 પોઈન્ટ છે, અને તેમનો પ્લેઓફ સ્થાન મુખ્યત્વે રાજસ્થાન વિરુદ્ધ મુંબઈ મેચના પરિણામ પર નિર્ભર છે.
લખનૌના એકાના સ્ટેડિયમ ખાતે રમાયેલી આ મેચમાં LSG એ પ્રથમ બેટિંગ કરતા 196 રન બનાવ્યા. પંજાબે 18 ઓવરમાં ટાર્ગેટનો પીછો કર્યો. કેપ્ટન શ્રેયસ ઐયરે મેચવિનિંગ સિક્સર ફટકારીને પંજાબનો વિજય સુનિશ્ચિત કર્યો અને 51 બોલમાં તેની પ્રથમ સદી પણ ફટકારી.
પંજાબ કિંગ્સે બધી 14 લીગ મેચ રમી છે અને હવે તેના 15 પોઈન્ટ છે. તેમનો નેટ રન રેટ +0.309 છે. પ્લેઓફમાં ક્વોલિફાય થવા માટે, પંજાબે આવતીકાલની મેચોના પરિણામોની રાહ જોવી પડશે. પંજાબને પહેલા મુંબઈ ઈન્ડિયન્સ સામે રાજસ્થાન રોયલ્સનો પરાજય થવાની આશા રાખવી પડશે. પછી તેમને આશા રાખવી પડશે કે જો કોલકાતા નાઈટ રાઈડર્સ દિલ્હી કેપિટલ્સને હરાવે છે, તો તેમનો વિજય મોટા માર્જિનથી નહીં થાય.
શ્રેયસ ઐયરે તેના 12 વર્ષના IPL કરિયરમાં પ્રથમ સદી ફટકારી. તેને લખનૌ સુપર જાયન્ટ્સ સામે 51 બોલમાં 101 રન બનાવ્યા. આ ઈનિંગમાં તેને 11 ચોગ્ગા અને 5 છગ્ગા ફટકાર્યા. શ્રેયસે તેના IPL કરિયરમાં 32 અડધી સદી પણ ફટકારી છે.
લખનૌ સામે પંજાબની જીતમાં પ્રભસિમરન સિંહે પણ મહત્વપૂર્ણ ભૂમિકા ભજવી હતી. તેમને 39 બોલમાં 69 રનની કિંમતી ઈનિંગ રમી હતી. તેમની ઈનિંગ એવા સમયે આવી હતી જ્યારે પંજાબે 22 રનમાં 2 વિકેટ ગુમાવી દીધી હતી. પ્રભસિમરને કેપ્ટન શ્રેયસ ઐયર સાથે 140 રનની પાર્ટનરશીપ પણ કરી હતી.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?