IPL 2026ની 68મી મેચમાં જ્યારે પંજાબ કિંગ્સ શરૂઆતના ઝટકા પછી સંઘર્ષ કરી રહી હતી, ત્યારે કેપ્ટન શ્રેયસ ઐયર સાથે મળીને એક યુવા બેટ્સમેને મેચનું પાસું ફેરવી દીધું.
એકાના સ્ટેડિયમમાં લખનૌ સુપર જાયન્ટ્સ સામેની તેની અડધી સદીએ ટીમને માત્ર વિજયની નજીક જ નહીં, પણ IPLના ઈતિહાસમાં એક એવો રેકોર્ડ પણ બનાવ્યો જે કોઈ અનકેપ્ડ ખેલાડીએ ક્યારેય હાંસલ કર્યો ન હતો.
પંજાબ કિંગ્સના વિકેટકીપર-બેટ્સમેન પ્રભસિમરન સિંહ આઈપીએલના ઈતિહાસમાં ટુર્નામેન્ટની અનેક સીઝનમાં 500 થી વધુ રન બનાવનાર પ્રથમ અનકેપ્ડ ખેલાડી બન્યો છે. પ્રભસિમરને આઈપીએલ 2025માં 549 રન બનાવ્યા હતા અને હવે આઈપીએલ 2026માં લખનૌ સુપર જાયન્ટ્સ સામે 39 બોલમાં 69 રન બનાવીને 500 રનનો આંકડો પાર કર્યો છે.
197 રનના વિશાળ ટાર્ગેટનો પીછો કરવા ઉતરેલી પંજાબ કિંગ્સની શરૂઆત ખરાબ રહી. ટીમે પ્રિયાંશ આર્ય અને કૂપર કોનોલીને વહેલા ગુમાવી દીધા. દબાણ હેઠળ પ્રભસિમરન સિંહે આક્રમક વલણ અપનાવ્યું અને લખનૌના બોલરો પર હુમલો કર્યો. તેને 20 રન પર જીવનદાન પણ મળ્યું, જેનો તેને પૂરો ફાયદો ઉઠાવ્યો.
પ્રભસિમરને ફક્ત 26 બોલમાં પોતાની અડધી સદી પૂરી કરી, મેદાનની ચારે બાજુ શાનદાર શોટ ફટકાર્યા. તેને કેપ્ટન શ્રેયસ ઐયર સાથે ત્રીજી વિકેટ માટે 140 રનની મેચવિનિંગ પાર્ટનરશીપ કરી, જેનાથી પંજાબ મજબૂત સ્થિતિમાં આવી ગયું. પરંતુ પાછળથી તે અર્જુન તેંડુલકર દ્વારા LBW આઉટ થયો હતો, પરંતુ તે પહેલાથી જ ટીમને વિજયની નજીક લાવી ચૂક્યો હતો. ત્યારબાદ શ્રેયસ ઐયરે શાનદાર સદી ફટકારીને મેચનો અંત કર્યો, જેનાથી પંજાબ કિંગ્સે માત્ર 18 ઓવરમાં ટાર્ગેટ હાંસલ કરી લીધું, અને પ્લેઓફની આશા જીવંત રાખી.
મેચ પછી શ્રેયસ ઐયરે પ્રભસિમરન સિંહની ખૂબ પ્રશંસા કરી. તેને કહ્યું કે "પ્રભ બોલરો પર જે રીતે હુમલો કરે છે તે શાનદાર હતું. તેને તાવ્યું કે તેઓ શું સક્ષમ છે. અમારી વચ્ચે વાતચીત અને સમજણ ઉત્તમ હતી, જેનાથી મેચનો મોમેન્ટમ બદલાઈ ગયો."
પ્રભસિમરન સિંહે માત્ર બેટથી જ નહીં પરંતુ વિકેટ પાછળ પણ શાનદાર પ્રદર્શન કર્યું. પ્રથમ ઈનિંગમાં તેને યુઝવેન્દ્ર ચહલને શાનદાર સ્ટમ્પિંગ આપીને આયુષ બદોનીને પેવેલિયન મોકલ્યો.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?