IPL 2026ની 69મી મેચમાં રાજસ્થાન રોયલ્સનો સામનો મુંબઈ ઈન્ડિયન્સ સાથે થયો. આ મેચમાં મુંબઈ ઈન્ડિયન્સનો અનુભવી બેટ્સમેન રોહિત શર્મા ડક આઉટ થયો હતો.
શૂન્ય રનમાં આઉટ થયા પછી હવે IPLમાં સૌથી વધુ ડક આઉટ થનારા બેટ્સમેનોની લિસ્ટમાં સંયુક્ત રીતે ટોપ પર છે. IPLમાં રોહિત રન બનાવ્યા વિના આઉટ થયો હોય તેવી આ 19મી ઘટના છે.
IPLના ઈતિહાસમાં સૌથી વધુ શૂન્ય રન પર આઉટ થયેલા બેટ્સમેનોની વાત કરીએ તો રોહિત શર્મા અને ગ્લેન મેક્સવેલ પણ લિસ્ટમાં ટોપ પર છે. મેક્સવેલ પણ આ ટુર્નામેન્ટમાં 19 વખત શૂન્ય રન પર આઉટ થયો છે. દિનેશ કાર્તિક અને સુનીલ નારાયણ લિસ્ટમાં બીજા નંબરે છે. બંને ખેલાડીઓ IPLમાં 18-18 વખત શૂન્ય રન પર આઉટ થયા છે. પીયૂષ ચાવલા અને રાશિદ ખાન IPLમાં 16-16 વખત શૂન્ય રન પર આઉટ થયા છે અને આ લિસ્ટમાં સંયુક્ત રીતે ત્રીજા નંબરે છે.
19 - ગ્લેન મેક્સવેલ
19 - રોહિત શર્મા
18 – દિનેશ કાર્તિક
18 – સુનીલ નારાયણ
16 - પિયુષ ચાવલા
16 - રાશિદ ખાન
IPL 2026ની સીઝન રોહિત શર્મા માટે મિશ્ર રહી છે. ઈજાઓને કારણે તે 9 મેચ સુધી મર્યાદિત રહ્યો, તેને 35.37 ની એવરેજથી 283 રન બનાવ્યા. હેમસ્ટ્રિંગ ઈજાને કારણે રોહિત આ સીઝનમાં 5 મેચમાંથી બહાર રહ્યો. એપ્રિલમાં RCB સામેની લીગ મેચ દરમિયાન તેને આ ઈજા થઈ હતી, જેના કારણે તે લગભગ 2 અઠવાડિયા સુધી રમતથી દૂર રહ્યો હતો.
T20 ફોર્મેટમાં જોફ્રા આર્ચર સામે રોહિત શર્માના આંકડા દર્શાવે છે કે આર્ચરે તેને 4 વખત આઉટ કર્યો છે. આ ફોર્મેટમાં આર્ચરે રોહિતને 40 બોલ ફેંક્યા છે, જેમાં તેને 36 રન બનાવ્યા છે. આર્ચર સામે રોહિતની એવરેજ 9 છે અને તેનો સ્ટ્રાઇક રેટ 90 છે. આ સ્પષ્ટપણે દર્શાવે છે કે આર્ચરે આ ફોર્મેટમાં રોહિતને ખૂબ જ મુશ્કેલીમાં મૂક્યો છે.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?