પંજાબ કિંગ્સે ઈન્ડિયન પ્રીમિયર લીગની 19મી સીઝનની છેલ્લી લીગ મેચ લખનૌ સુપરજાયન્ટ્સ સામે 7 વિકેટથી જીતીને પ્લેઓફમાં સ્થાન મેળવવાની દાવમાં પોતાને જાળવી રાખ્યો છે.

197 રનના ટાર્ગેટનો પીછો કરતા પંજાબ કિંગ્સે તેને સરળતાથી પાર કરી લીધો, જેમાં કેપ્ટન શ્રેયસ ઐયરે બેટિંગમાં મુખ્ય ભૂમિકા ભજવી, કેપ્ટન તરીકે IPLમાં મોટી સિદ્ધિ હાંસલ કરી, વિરાટ કોહલી અને રોહિત શર્મા જેવા ખેલાડીઓ સાથે જોડાયો.

શ્રેયસ ઐયરે કેપ્ટન તરીકે 3000 રન પૂરા કર્યા

IPLના 19 વર્ષના ઈતિહાસમાં ફક્ત થોડા જ કેપ્ટન લાંબા સમય સુધી બેટથી અસરકારક પ્રદર્શન કરી શક્યા છે. આવું જ એક નામ શ્રેયસ ઐયરનું છે, જેને પંજાબ કિંગ્સ સિવાય દિલ્હી કેપિટલ્સ અને કોલકાતા નાઈટ રાઈડર્સનું નેતૃત્વ કર્યું છે. તેની કેપ્ટનશીપ હેઠળ શ્રેયસ ઐયરે KKR ને ટાઈટલ અપાવ્યું, જ્યારે પંજાબ કિંગ્સ અને દિલ્હી કેપિટલ્સનું ફાઈનલમાં પણ નેતૃત્વ કર્યું.

લખનૌ સુપરજાયન્ટ્સ સામે અણનમ 101 રન બનાવીને, શ્રેયસ ઐયરે IPLમાં કેપ્ટન તરીકે 3,000 રન પણ પાર કર્યા. આ સાથે, ઐયરે IPL ઈતિહાસમાં આ સિદ્ધિ હાંસલ કરનાર માત્ર છઠ્ઠો કેપ્ટન અને પાંચમો ભારતીય ખેલાડી બન્યો. હાલમાં વિરાટ કોહલી IPLમાં કેપ્ટન તરીકે સૌથી વધુ રન બનાવવાનો રેકોર્ડ ધરાવે છે.

IPLમાં કેપ્ટન તરીકે 3000 રન બનાવનારા ખેલાડીઓ

વિરાટ કોહલી - 4994 રન

એમએસ ધોની - 4753 રન

રોહિત શર્મા - 3986 રન

ગૌતમ ગંભીર - 3518 રન

ડેવિડ વોર્નર - 3356 રન

શ્રેયસ ઐયર - 3094 રન

શ્રૈયસ ઐયરે T20 માં પોતાના 7000 રન પૂરા કર્યા

લખનૌ સુપરજાયન્ટ્સ સામેની મેચમાં શ્રેયસ ઐયરે 7000 રનનો આંકડો પૂર્ણ કરીને પોતાના T20 કરિયરમાં એક મોટી સિદ્ધિ હાંસલ કરી અને આ સિદ્ધિ હાંસલ કરનાર ચોથો સૌથી ઝડપી ભારતીય ખેલાડી બન્યો. શ્રેયસ ઐયરે અત્યાર સુધીની T20 ઈનિંગમાં 4 સદી અને 48 અડધી સદી ફટકારી છે. શ્રેયસ ઐયરે T20 ક્રિકેટમાં કુલ 7076 રન બનાવ્યા છે.

આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?