જો કોઈ યુવા ખેલાડીએ IPL 2026માં સૌથી વધુ ચર્ચા મેળવી હોય, તો તે રાજસ્થાન રોયલ્સના વિસ્ફોટક બેટ્સમેન વૈભવ સૂર્યવંશી છે. પોતાની નીડર સ્ટાઈલ અને તોફાની બેટિંગથી આ યુવા બેટ્સમેને સમગ્ર સિઝન દરમિયાન બોલરોને હેરાન કર્યા.
હવે વૈભવને ચેન્નાઈના ભૂતપૂર્વ ક્રિકેટરની બેસ્ટ XIમાં સામેલ કરવામાં આવ્યો છે. ભૂતપૂર્વ ભારતીય ક્રિકેટર અને ચેન્નાઈ સુપર કિંગ્સના ભૂતપૂર્વ સ્ટાર બેટ્સમેન સુબ્રમણ્યમ બદ્રીનાથે લીગ સ્ટેજના અંત પછી વૈભવ સૂર્યવંશીને IPL 2026ની તેમની બેસ્ટ પ્લેઈંગ XIમાં સામેલ કર્યો છે, જ્યારે વિરાટ કોહલી અને કેએલ રાહુલ જેવા અનુભવી ખેલાડીઓને બાકાત રાખ્યા છે.
વૈભવ સૂર્યવંશીએ વિશેષ સ્થાન પ્રાપ્ત કર્યું
ગયા સિઝનમાં ડેબ્યૂ કરનાર વૈભવ સૂર્યવંશીએ આ વર્ષે પોતાની રમતને સંપૂર્ણપણે અલગ સ્તરે પહોંચાડી દીધી. રાજસ્થાન રોયલ્સ માટે ઈનિંગની શરૂઆત કરતા, તેને સતત મેચવિનિંગ ઈનિંગ રમી અને ટીમની બેટિંગનો આધાર બનીને ઉભરી આવ્યો. 14 મેચોમાં, વૈભવે 41.64ની એવરેજ અને 232.27 ની સ્ટ્રાઈક રેટ સાથે 583 રન બનાવ્યા, જેના કારણે તે આ સિઝનમાં સૌથી ખતરનાક બેટ્સમેનોમાંનો એક બન્યો. તેને 103 ના હાઈએસ્ટ સ્કોર સાથે 1 સદી અને 3 અડધી સદી પણ ફટકારી.
આ યુવા સ્ટારે વિરાટ અને રાહુલને પાછળ છોડી દીધા
સૌથી વધુ ચર્ચાસ્પદ નિર્ણય એ છે કે બદ્રીનાથ દ્વારા પોતાની બેસ્ટ XIમાંથી વિરાટ કોહલી અને કેએલ રાહુલને બાકાત રાખવામાં આવ્યા, જેઓ બંનેએ 500 થી વધુ રન બનાવ્યા છે. બદ્રીનાથે ગુજરાત ટાઈટન્સના કેપ્ટન શુભમન ગિલ સાથે ઈનિંગની શરૂઆત કરવા માટે વૈભવ સૂર્યવંશીને પસંદ કર્યો. આ સિઝનમાં 616 રન બનાવનારા ગિલે તેની ટીમને પોઈન્ટ ટેબલમાં બીજા સ્થાને રાખવામાં મદદ કરી. તેમને ઓરેન્જ કેપના અગ્રણી ખેલાડી સાઈ સુદર્શનને પણ નંબર 3 પર રાખ્યો, જેનાથી તેની ટીમને એક મજબૂત ટોપ ઓર્ડર મળ્યો.
આ ખેલાડીઓને મિડલ ઓર્ડરમાં સ્થાન મળ્યું
બદ્રીનાથની બેસ્ટ ટીમમાં વિસ્ફોટક બેટ્સમેન હેનરિક ક્લાસેન અને આરસીબીના કેપ્ટન રજત પાટીદારનો સમાવેશ થાય છે. બંને બેટ્સમેનોએ આ સિઝનમાં સ્પિન બોલિંગ સામે સારું પ્રદર્શન કર્યું છે. કૃણાલ પંડ્યાને ઓલરાઉન્ડર તરીકે સામેલ કરવામાં આવ્યો છે, જ્યારે અનુભવી સુનીલ નારાયણને નિષ્ણાત સ્પિનર તરીકે પસંદ કરવામાં આવ્યો છે.
બોલિંગ વિભાગમાં બદ્રીનાથને અનુભવી ભુવનેશ્વર કુમાર, જોફ્રા આર્ચર અને કાગીસો રબાડાની પસંદગી કરવામાં આવી છે. પરંતુ સૌથી આશ્ચર્યજનક નિર્ણય યુવા ફાસ્ટ બોલર પ્રિન્સ યાદવ અને કાર્તિક ત્યાગીનો સમાવેશ હતો. બંને યુવા બોલરોએ આ સિઝનમાં તેમની ગતિ અને આક્રમક બોલિંગથી ખાસ છાપ છોડી હતી. પરંતુ તેમની ટીમો પ્લેઓફમાં પહોંચવામાં નિષ્ફળ રહી હતી, પરંતુ તેમના પ્રદર્શને બધાનું ધ્યાન ખેંચ્યું.
સુબ્રમણ્યમ બદ્રીનાથની IPL 2026 બેસ્ટ XI
વૈભવ સૂર્યવંશી, શુભમન ગિલ, સાઈ સુદર્શન, હેનરિક ક્લાસેન, રજત પાટીદાર, કૃણાલ પંડ્યા, સુનીલ નારાયણ, ભુવનેશ્વર કુમાર, જોફ્રા આર્ચર, કાગીસો રબાડા, પ્રિન્સ યાદવ/કાર્તિક ત્યાગી.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?
