ભારતના ભૂતપૂર્વ ઓલરાઉન્ડર વિજય શંકરે લંકા પ્રીમિયર લીગ 2026માં રમવાનો નિર્ણય લીધો છે. તેમને તાજેતરમાં જ ઘરેલુ ક્રિકેટ અને IPLમાંથી નિવૃત્તિ લીધી છે. તેમને LPL 2026 માટે કેન્ડી રોયલ્સ દ્વારા કોન્ટ્રાક્ટ કરવામાં આવ્યો છે.
વિજય શંકર ભારત માટે ટેસ્ટ અને ODI ફોર્મેટમાં રમ્યો હતો, પરંતુ ત્યાં તેમને ઘણી તકો મળી ન હતી. તેથી તેમને 35 વર્ષની ઉંમરે નિવૃત્તિ લીધી. તેઓ IPLમાં 4 ટીમો માટે પણ રમી ચૂક્યો છે.
LPL એ તેના સોશિયલ મીડિયા દ્વારા વિજય શંકરના લંકા પ્રીમિયર લીગમાં જોડાવાની જાહેરાત કરી. તેમને ટ્વિટર પર એક વીડિયો શેર કર્યો, જેમાં આગામી LPL સીઝન માટે કેન્ડી રોયલ્સ સાથે કરાર કરવાની જાહેરાત કરવામાં આવી.
2026 લંકા પ્રીમિયર લીગ 17 જુલાઈથી શરૂ થવાની છે, જે ટુર્નામેન્ટની છઠ્ઠી સીઝન છે. કેન્ડી રોયલ્સે આ સીઝન માટે વાનિન્દુ હસરંગા અને મોઈન અલીને આઈકોન ખેલાડીઓ તરીકે કોન્ટ્રાક્ટ કર્યા છે, જ્યારે એન્જેલો મેથ્યુઝ અને વિજય શંકર સ્ટાર ખેલાડીઓ તરીકે ટીમમાં જોડાયા છે.
વિજય શંકરની કરિયરની વાત કરીએ તો, તેને 12 ODI અને 9 T20 ઈન્ટરનેશનલ મેચોમાં ભારતનું પ્રતિનિધિત્વ કર્યું. આ સમયગાળા દરમિયાન તેમને ODI માં 31.85 ની એવરેજથી 223 રન બનાવ્યા. તેને બોલિંગમાં 4 વિકેટ પણ લીધી. T20 ઈન્ટરનેશનલ મેચોમાં વિજય શંકરે 25.25 ની એવરેજથી 101 રન બનાવ્યા અને 5 વિકેટ પણ લીધી. IPLમાં તેને ચેન્નાઈ સુપર કિંગ્સ, ગુજરાત ટાઈટન્સ, દિલ્હી કેપિટલ્સ અને સનરાઈઝર્સ હૈદરાબાદ તરફથી રમવાની તક મળી. આ લીગમાં તેને કુલ 78 મેચ રમી, જેમાં 1233 રન બનાવ્યા અને બોલિંગમાં 9 વિકેટ લીધી.
વિજય શંકરનો સ્થાનિક રેકોર્ડ પ્રભાવશાળી હતો, કારણ કે તે તમિલનાડુ માટે રમ્યો હતો. તેને 77 ફર્સ્ટ-ક્લાસ મેચોમાં 46.73 ની એવરેજથી 4,253 રન બનાવ્યા, જેમાં 13 સદી અને 23 અડધી સદીનો સમાવેશ થાય છે. તેને 43 વિકેટ પણ લીધી.
આ પણ વાંચો: BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?