KL Rahulએ 12મી ટેસ્ટ સદી ફટકારી, રોહિત શર્માની સદીઓની બરાબરી કરી

નવા ચંદીગઢના મહારાજા યાદવિન્દ્ર સિંહ ઈન્ટરનેશનલ સ્ટેડિયમમાં અફઘાનિસ્તાન અને ભારત વચ્ચે રમાઈ રહેલી મેચના પહેલા દિવસે ઓપનર કેએલ રાહુલે શાનદાર સદી ફટકારી હતી. કેએલ રાહુલે ટેસ્ટ ક્રિકેટમાં પોતાની 12મી સદી ફટકારી.

આ સાથે કેએલ રાહુલે ઓપનર રોહિત શર્માના રેકોર્ડની બરાબરી કરી હતી. રોહિત શર્માએ પણ પોતાના ટેસ્ટ કરિયરમાં 12 સદી ફટકારી હતી. હવે કેએલ રાહુલે પણ ટેસ્ટ ક્રિકેટમાં એટલી જ સદી ફટકારી છે.

આવું છે કેએલ રાહુલનું ટેસ્ટ કરિયર

કેએલ રાહુલે 26 ડિસેમ્બર 2014ના રોજ ટેસ્ટ ડેબ્યૂ કર્યું હતું. ત્યારથી ટીમમાં તેનું સ્થાન બદલાતું રહ્યું છે. 2014થી કેએલ રાહુલે કુલ 68 ટેસ્ટ મેચ રમી છે, જેમાં તેને 119 ઈનિંગમાં બેટિંગ કરી છે. આ સમયગાળા દરમિયાન તેને 36.58ની એવરેજ અને 52.02ના સ્ટ્રાઈક રેટથી 4134 રન બનાવ્યા છે.

આજે કેએલ રાહુલ તેની 69મી ટેસ્ટ મેચ રમી રહ્યો છે અને તેની 120મી ઈનિંગમાં સદી ફટકારી છે. આ સાથે તેની કુલ સદી 12 થઈ ગઈ છે, જે રોહિત શર્માના રેકોર્ડની બરાબરી કરે છે. કેએલ રાહુલનો ટેસ્ટ ક્રિકેટમાં સૌથી વધુ સ્કોર 199 છે. તેની 12 સદી સિવાય તેને 21 અડધી સદી પણ ફટકારી છે.

રોહિત શર્માની સદીની બરાબરી

રોહિત શર્માનું ટેસ્ટ કરિયર 67 ટેસ્ટ મેચોમાં રમાયેલી છે, જેમાં તેને 116 ઈનિંગમાં 40.58 ની એવરેજ અને 57.6 ના સ્ટ્રાઈક રેટથી 4,301 રન બનાવ્યા હતા. રોહિત શર્માનો સૌથી વધુ ટેસ્ટ સ્કોર 212 હતો. તેને તેના કરિયરમાં 12 સદી ફટકારી હતી, આજે કેએલ રાહુલે તેના રેકોર્ડની બરાબરી છે. રોહિત શર્માએ ટેસ્ટ ક્રિકેટમાં 18 અડધી સદી પણ ફટકારી છે.

આ પણ વાંચો: Vaibhav Sooryavanshi પર થયો પૈસાનો વરસાદ, ઓરેન્જ કેપ સહિત આ એવોર્ડ જીત્યા