Shreyas Iyer T20માં ટીમ ઈન્ડિયાનો બનશે નવો કેપ્ટન! વૈભવ સૂર્યવંશીને પણ મળશે તક

ભારતીય ક્રિકેટ બોર્ડે T20 ઈન્ટરનેશનલ મેચો માટે નવા કેપ્ટનની નિમણૂક કરી છે, જેમાં શ્રેયસ ઐયરે સૂર્યકુમાર યાદવનું સ્થાન લીધું છે. BCCIએ 2028 ઓલિમ્પિક ગેમ્સ અને T20 વર્લ્ડકપની તૈયારીઓને ધ્યાનમાં રાખીને તે દિશામાં આગળ વધવાનો નિર્ણય લીધો છે.

IPL 2026માં પોતાની બેટિંગથી ધૂમ મચાવનાર 15 વર્ષના ઓપનિંગ બેટ્સમેન વૈભવ સૂર્યવંશીને પણ આયર્લેન્ડ અને ઈંગ્લેન્ડમાં રમાનારી T20 સિરીઝ માટે પ્રથમ વખત ટીમ ઈન્ડિયામાં સામેલ કરવાની પુષ્ટિ કરવામાં આવી છે.

આયર્લેન્ડ-ઈંગ્લેન્ડ પ્રવાસ માટે ટીમ ઈન્ડિયાની જાહેરાત 6 જૂને કરવામાં આવશે

જૂનના અંતમાં ભારતીય ટીમ બે મેચની T20I સિરીઝ માટે આયર્લેન્ડનો પ્રવાસ કરશે, ત્યારબાદ જુલાઈની શરૂઆતમાં ઈંગ્લેન્ડ સામે T20I સિરીઝ રમશે. મીડિયા રિપોર્ટ મુજબ સિલેક્ટર્સે 6 જૂને બંને પ્રવાસ માટે ટીમ ઈન્ડિયાની ટીમની જાહેરાત કરશે, જેમાં શ્રેયસ ઐયરને નવા T20I કેપ્ટન તરીકે નિયુક્ત કરવાનો સમાવેશ થાય છે.

સૂર્યકુમાર યાદવની કેપ્ટનશીપ હેઠળ ભારતીય ટીમે 2026 T20I વર્લ્ડકપ જીત્યો હતો, પરંતુ તેમના પોતાના પ્રદર્શનની સતત ટીકા થઈ રહી છે, જેમાં પ્લેઈંગ ઈલેવનમાં સ્થાન ન હોવાનો પણ સમાવેશ થાય છે. તેથી ભવિષ્યને ધ્યાનમાં રાખીને સિલેક્ટર્સે સૂર્યાને કેપ્ટનશીપમાંથી દૂર કરવાનો નિર્ણય લીધો છે.

શ્રેયસ ઐયર વિશે તેમની છેલ્લી T20I મેચ ડિસેમ્બર 2023માં હતી. શ્રૈયસ ઐયરને 2026ની શરૂઆતમાં ન્યુઝીલેન્ડ સામેની ઘરેલુ T20I સિરીઝમાં ઈજાગ્રસ્ત ખેલાડીના સ્થાને સામેલ કરવામાં આવ્યો હતો, પરંતુ તેમને એક પણ મેચ રમવાની તક મળી ન હતી.

વૈભવ સૂર્યવંશીને પણ સ્થાન મળવાની ખાતરી

IPL 2026 સીઝનમાં ઓરેન્જ કેપ જીતનાર 15 વર્ષના વૈભવ સૂર્યવંશીના ટીમ ઈન્ડિયામાં સમાવેશ અંગે ઘણી ચર્ચા થઈ રહી છે. સિલેક્ટર્સ તેને આયર્લેન્ડ અને ઈંગ્લેન્ડ પ્રવાસ માટે ટીમમાં સામેલ કરવાનો નિર્ણય લીધો છે. સચિન તેંડુલકર પછી વૈભવ સૂર્યવંશી ટીમમાં સામેલ થનાર બીજો સૌથી યુવા ભારતીય ખેલાડી બનશે. ટીમ ઈન્ડિયા 26 અને 28 જૂને આયર્લેન્ડમાં T20 મેચ રમશે, જ્યારે તેઓ 1 થી 11 જુલાઈ દરમિયાન ઈંગ્લેન્ડ સામે પાંચ મેચની T20 સિરીઝ રમશે.

આ પણ વાંચો: Vaibhav Sooryavanshi પર થયો પૈસાનો વરસાદ, ઓરેન્જ કેપ સહિત આ એવોર્ડ જીત્યા