IPL એટલે કે ઇન્ડિયન પ્રીમિયર લીગની શરૂઆત કરનારા લલિત મોદી ભારતમાં ઘણા કાનૂની કેસોમાં ફસાયેલા છે. જો કે, તેઓ પોતાની જાતને નિર્દોષ ગણાવે છે. તાજેતરમાં આપેલા એક ઇન્ટરવ્યુમાં તેમણે કહી દીધું કે તેઓ પોતાની લાઇફસ્ટાઇલ કોઈના માટે પણ નહીં બદલે અને અઠવાડિયામાં 10-12 કરોડ રૂપિયા ખર્ચ કરી નાખે છે. આ દરમિયાન તેમણે એ પણ જણાવ્યું કે તેઓ પૈસા ક્યાંથી કમાય છે.
દિવસમાં એક કરોડથી વધુની કમાણી
એએનઆઈ (ANI) સાથેની વાતચીતમાં લલિત મોદીએ કહ્યું, મેં કંઈ ખોટું કર્યું નથી... મેં તમને કહ્યું હતું કે હું ડાયમંડ સ્પૂન સાથે જન્મ્યો હતો. જ્યારે તમે મારા પર થોડા કરોડ રૂપિયા લેવાનો આરોપ લગાવો છો, તો હું તમને જણાવી દઉં કે હું એક દિવસમાં આનાથી વધુ કમાઉં છું. અમે સૌથી મોટા છીએ... કંપની દુનિયામાં બહુ મોટી છે. આની માર્કેટ વેલ્યુ અઢી લાખ કરોડ રૂપિયા છે.
કેવી રીતે કમાય છે પૈસા
મોદીએ કહ્યું કે તેઓ ફેમિલી બિઝનેસ અને અન્ય ઇનિશિયેટિવ્સ દ્વારા પૈસા કમાય છે. તેમણે કહ્યું, હું આનો એક ભાગ છું. હું બિઝનેસનો માલિક છું. મેં આ મારા બાળકોને ભેટમાં આપ્યું છે. મારા બાળકો આના માલિક છે. મારા બાળકો મારો ખર્ચ ઉઠાવે છે. હું ખૂબ જ સુંદર ઘરમાં રહું છું. હું સૌથી વૈભવી જીવન જીવી રહ્યો છું. તેમણે આગળ કહ્યું, હું દરેક જગ્યાએ જાઉં છું. તમને શું લાગે છે, હું આ કેવી રીતે કરું છું? શું કારણ છે? હું 10-12 કરોડ રૂપિયા લઉં છું... આ એક અઠવાડિયું પણ નથી ચાલતા... એવું જ છે. હું આની સાથે જ જન્મ્યો છું. હું મારી લાઇફસ્ટાઇલ કોઈના માટે પણ કેમ બદલું. હું મારું જીવન બીજા કોઈના માટે કેમ જીવવા લાગું. મારા દાદાએ આવું નહોતું કર્યું. મારા પિતા બીજા કોઈના માટે નથી જીવ્યા.
વિજય માલ્યા પર શું બોલ્યા
આ દરમિયાન મોદીને ભાગેડુ વિજય માલ્યા અંગે પણ સવાલ કરવામાં આવ્યો હતો. તેમણે કહ્યું, તે મારો મિત્ર છે. વિજયની સ્ટોરી અલગ છે. ઠીક છે? મને નથી ખબર કે તેની શું સમસ્યા છે. પરંતુ તેનો મામલો બેંકો અને એવી જ વસ્તુઓ સાથે જોડાયેલો હતો. જુઓ અમે ક્યારેય કોઈની પાસેથી ઉધાર લીધું નથી. મેં ક્યારેય કોઈની પાસેથી પૈસા લીધા નથી. મારી પાસે કોઈની પાસેથી પૈસા લેવાનું કોઈ કારણ જ નહોતું. મેં તો માત્ર પૈસા આપ્યા છે, માત્ર ચૂકવણી કરી છે. અમારા કોઈ પણ બિઝનેસમાં બેંકમાંથી લીધેલી કોઈ લોન કે એવી કોઈ વસ્તુ નથી, અને અમારી પાસે કોઈ સરકારી કોન્ટ્રાક્ટ પણ નથી. અમે એક કન્ઝ્યુમર બ્રાન્ડ છીએ. અમે દુનિયાની સૌથી મોટી બ્રાન્ડ છીએ. અમે માર્લબોરો (Marlboro) બનાવીએ છીએ. આ દુનિયાની નંબર વન બ્રાન્ડ છે.
આ પણ વાંચો-Indiaની સૌથી અમીર એક્ટ્રેસ, જેણે એક અજાણ્યા ડરના કારણે વર્ષો સુધી છુપાવી રાખી હતી પોતાના લગ્નની વાત!
