IPLમાં રોયલ ચેલેન્જર્સ બેંગલુરુના કેપ્ટન રજત પાટીદાર પોતાની આક્રમક બેટિંગ માટે જાણીતા છે.હવે તેણે ફરી એકવાર પોતાના બેટથી મેદાનમાં તોફાન મચાવ્યું છે.સૈયદ મુશ્તાક અલી ટ્રોફી 2026માં મધ્યપ્રદેશ તરફથી રમતા રજત પાટીદારે આસામ સામે માત્ર 48 બોલમાં અણનમ 135 રન ફટકાર્યા છે.તેની આ ઇનિંગમાં 13 છગ્ગા અને 8 ચોગ્ગા સામેલ હતા.ખાસ વાત એ છે કે તેણે માત્ર 41 બોલમાં પોતાની સદી પૂરી કરી હતી.આ સાથે જ તેણે ટૂર્નામેન્ટમાં મધ્યપ્રદેશ માટે એક ખાસ રેકોર્ડ પણ પોતાના નામે કર્યો છે.
48 બોલમાં 135 રન ફટકારી મચાવ્યો તોફાન
સોમવારે ન્યૂ ચંડીગઢના મુલ્લાંપુરમાં મધ્યપ્રદેશ અને આસામ વચ્ચે સૈયદ મુશ્તાક અલી ટ્રોફીની મેચ રમાઈ હતી. આ મુકાબલામાં મધ્યપ્રદેશે પ્રથમ બેટિંગ કરવાનો નિર્ણય લીધો હતો.મધ્યપ્રદેશ તરફથી કેપ્ટન રજત પાટીદાર પાંચમા ક્રમે બેટિંગ કરવા ઉતર્યો હતો. મેદાનમાં આવ્યા બાદ તેણે આસામના બોલરોની જોરદાર ધોલાઈ કરી હતી. પાટીદારે માત્ર 41 બોલમાં પોતાની સદી પૂરી કરી હતી. ત્યારબાદ પણ તેની આક્રમક બેટિંગ ચાલુ રહી હતી.તેણે 48 બોલમાં 8 ચોગ્ગા અને 13 છગ્ગાની મદદથી અણનમ 135 રન બનાવ્યા હતા. તેની આ ઇનિંગના કારણે મધ્યપ્રદેશે આસામ સામે મોટો સ્કોર ઊભો કર્યો હતો.
https://x.com/CricCrazyJohns/status/2122225734940754196?a=5CC7Ii7WTM30ckz0HcM&s=20
મધ્યપ્રદેશ માટે સદી ફટકારનાર પ્રથમ બેટ્સમેન બન્યો
રજત પાટીદારે આ ઇનિંગ સાથે સૈયદ મુશ્તાક અલી ટ્રોફીમાં મધ્યપ્રદેશ માટે એક ખાસ સિદ્ધિ મેળવી છે. તે આ ટૂર્નામેન્ટમાં મધ્યપ્રદેશ તરફથી સદી ફટકારનાર પ્રથમ બેટ્સમેન બન્યો છે.પાટીદારની આ ઇનિંગ ખાસ એટલા માટે પણ રહી કારણ કે તેણે પાંચમા ક્રમે બેટિંગ કરવા આવીને આટલો મોટો સ્કોર બનાવ્યો હતો. તેની તોફાની બેટિંગે મધ્યપ્રદેશની ઇનિંગને નવી ઊંચાઈ આપી હતી.
મધ્યપ્રદેશે 20 ઓવરમાં બનાવ્યા 250 રન
આ મુકાબલામાં મધ્યપ્રદેશે 20 ઓવરમાં 6 વિકેટ ગુમાવીને 250 રનનો વિશાળ સ્કોર બનાવ્યો હતો. રજત પાટીદાર ઉપરાંત શિવાંગ કુમારે પણ ઉપયોગી બેટિંગ કરી હતી.

IPL 2027 પહેલાં પાટીદારે બતાવી પોતાની તાકાત
રજત પાટીદાર IPLમાં RCBના કેપ્ટન તરીકે પોતાની ઓળખ બનાવી ચૂક્યો છે. હવે સૈયદ મુશ્તાક અલી ટ્રોફીમાં તેની આ વિસ્ફોટક ઇનિંગથી ફરી સાબિત થયું છે કે તે મિડલ ઓર્ડરમાં કેટલી ઝડપથી મેચનું પાસું બદલી શકે છે.IPL 2027 પહેલાં પાટીદારનું આ પ્રદર્શન RCBના ચાહકો માટે પણ સારા સમાચાર સમાન છે. હવે જોવાનું રહેશે કે તે આગામી મેચોમાં પણ આ જ લય જાળવી રાખે છે કે નહીં.
આ પણ વાંચો - IPL 2027 Retention : 25 કરોડના ગ્રીન સહિત 5 મોંઘા ખેલાડીઓનું કપાઈ શકે છે પત્તું; કરોડોની કિંમત બની ગળાનો ગાળિયો