રાઇઝિંગ સ્ટાર્સ એશિયા કપ 2026 પહેલાં ભારતીય ટીમમાં મોટો ફેરફાર કરવામાં આવ્યો છે. ઈજાના કારણે સ્ટાર બેટ્સમેન રજત પાટીદાર ટુર્નામેન્ટમાંથી બહાર થઈ ગયા છે. તેમના સ્થાને આયુષ બદોનીને ટીમમાં સામેલ કરવામાં આવ્યો છે. બીજી તરફ, ભારતીય મિડલ ઓર્ડરના બેટ્સમેન રિંકુ સિંહને મોટી જવાબદારી સોંપવામાં આવી છે. તેને ઈન્ડિયા-A ટીમનો નવો ઉપકેપ્ટન બનાવવામાં આવ્યો છે.આ ટુર્નામેન્ટમાં ભારતીય ટીમની કમાન તિલક વર્માના હાથમાં રહેશે. ટીમમાં અભિષેક શર્મા, વૈભવ સૂર્યવંશી અને રિંકુ સિંહ જેવા પ્રતિભાશાળી ખેલાડીઓ પણ સામેલ છે. ભારતીય ટીમ 20 નવેમ્બરના રોજ નેપાળ-A સામે પોતાની પ્રથમ મેચ રમશે.
રજત પાટીદાર ઈજાના કારણે ટુર્નામેન્ટમાંથી બહાર
ભારતીય ક્રિકેટ કંટ્રોલ બોર્ડના જણાવ્યા અનુસાર, રજત પાટીદાર હાલમાં પોતાની ઈજામાંથી સંપૂર્ણ રીતે સાજા થવા પર ધ્યાન આપી રહ્યા છે. આ કારણે તેમણે 50 ઓવરના ફોર્મેટની મેચો માટે પોતાની ઉપલબ્ધતા ન હોવાનું બોર્ડને જણાવ્યું હતું.ત્યારબાદ પસંદગી સમિતિએ તેમને રાઇઝિંગ સ્ટાર્સ એશિયા કપની ઈન્ડિયા-A ટીમમાંથી બહાર કરવાનો નિર્ણય લીધો છે. પાટીદારની જગ્યાએ આયુષ બદોનીને ટીમમાં સ્થાન આપવામાં આવ્યું છે.હવે જોવાનું રહેશે કે રજત પાટીદાર સંપૂર્ણ ફિટનેસ ક્યારે મેળવી શકે છે અને મેદાન પર ક્યારે વાપસી કરે છે. પાટીદારની ગેરહાજરીમાં આયુષ બદોની માટે પોતાની પ્રતિભા સાબિત કરવાની સારી તક રહેશે.
https://x.com/BCCI/status/2119315692415803743?a=Mrkpe_xMxI_39_zTDxE&s=20
રિંકુ સિંહ બન્યા ઈન્ડિયા-Aના નવા ઉપકેપ્ટન
રજત પાટીદારના બહાર થયા બાદ ટીમની જવાબદારીઓમાં પણ ફેરફાર કરવામાં આવ્યો છે. તિલક વર્મા અગાઉની જેમ ટીમના કેપ્ટન રહેશે, જ્યારે રિંકુ સિંહને ઉપકેપ્ટન બનાવવામાં આવ્યા છે.રિંકુ સિંહ પોતાની આક્રમક બેટિંગ માટે જાણીતા છે. ખાસ કરીને મિડલ ઓર્ડરમાં મુશ્કેલ પરિસ્થિતિમાંથી ટીમને બહાર કાઢવાની તેમની ક્ષમતા મહત્ત્વપૂર્ણ રહી છે. હવે બેટિંગની સાથે ટીમના નેતૃત્વમાં પણ તેમની ભૂમિકા જોવા મળશે.આ ટીમમાં અભિષેક શર્મા અને વૈભવ સૂર્યવંશી જેવા આક્રમક બેટ્સમેનો પણ સામેલ છે. વિકેટકીપર તરીકે પ્રભસિમરન સિંહ અને કુમાર કુશાગ્રને સ્થાન મળ્યું છે.બોલિંગ વિભાગમાં હર્ષિત રાણા, પ્રિન્સ યાદવ અને અર્શદ ખાન જેવા ખેલાડીઓ ટીમને મજબૂતી આપશે. આ ઉપરાંત સૂર્યાંશ શેડગે, શાહબાઝ અહેમદ, વિપિરજ નિગમ, હર્ષ દુબે અને તનુષ કોટિયન પણ ટીમનો ભાગ છે.
20 નવેમ્બરે નેપાળ સામે પ્રથમ મુકાબલો
રાઇઝિંગ સ્ટાર્સ એશિયા કપમાં ભારતીય ટીમ પોતાના અભિયાનની શરૂઆત 20 નવેમ્બરના રોજ નેપાળ-A સામે કરશે. આ મેચ વેસ્ટ એન્ડ પાર્ક ઇન્ટરનેશનલ સ્ટેડિયમમાં રમાશે.ત્યારબાદ 22 નવેમ્બરે ભારત અને પાકિસ્તાન-A વચ્ચે જંગ જામશે. આ મુકાબલો પણ એ જ મેદાન પર રમાશે. ભારતની ત્રીજી મેચ 24 નવેમ્બરે UAE સામે યુનિવર્સિટી ઓફ દોહા ફોર સાયન્સ એન્ડ ટેક્નોલોજીના મેદાન પર રમાશે.આ પ્રારંભિક મેચોના પરિણામ બાદ સેમિફાઇનલ અને ફાઇનલનું ચિત્ર સ્પષ્ટ થશે. ભારતીય ટીમમાં યુવા અને અનુભવી ખેલાડીઓનું સારું મિશ્રણ હોવાથી ચાહકોને ટુર્નામેન્ટમાં સારા પ્રદર્શનની આશા રહેશે.
ઈન્ડિયા-Aની અપડેટેડ ટીમ
બેટ્સમેન અને ઓલરાઉન્ડર: અભિષેક શર્મા, વૈભવ સૂર્યવંશી, સૂર્યાંશ શેડગે, શાહબાઝ અહેમદ, વિપિરજ નિગમ, હર્ષ દુબે, તનુષ કોટિયન, આયુષ બદોની,પ્રભસિમરન સિંહ, કુમાર કુશાગ્ર, હર્ષિત રાણા, પ્રિન્સ યાદવ, અર્શદ ખાન.
આ પણ વાંચો - IND vs PAK : પિતા વેચતા હતા છોલે-કુલચે, દીકરાએ પાકિસ્તાન સામે ફટકારી સદી! કોણ છે અર્જુન રાજપૂત?
