ભારતીય ક્રિકેટ ટીમના અનુભવી ઓલરાઉન્ડર રવીન્દ્ર જાડેજાએ રણજી ટ્રોફીમાં પોતાના બેટથી શાનદાર પ્રદર્શન કર્યું છે. સૌરાષ્ટ્ર તરફથી રમતા જાડેજાએ છત્તીસગઢ સામેની મેચમાં આક્રમક બેટિંગ કરીને સદી ફટકારી હતી. તેણે 209 બોલમાં 102 રન બનાવ્યા હતા. તેની આ ઇનિંગ્સની મદદથી સૌરાષ્ટ્રે પ્રથમ દાવમાં તમામ વિકેટ ગુમાવીને 392 રનનો મજબૂત સ્કોર નોંધાવ્યો હતો.આ મેચમાં જાડેજા ઉપરાંત પ્રેરક માંકડે પણ સદી ફટકારી હતી, જ્યારે ચિરાગ જાનીએ અડધી સદીથી વધુ રન બનાવીને ટીમના સ્કોરમાં મહત્વનો ફાળો આપ્યો હતો.
જાડેજાની પ્રથમ કક્ષાના ક્રિકેટમાં 16મી સદી
સૌરાષ્ટ્ર અને છત્તીસગઢ વચ્ચે રણજી ટ્રોફીના એલિટ ગ્રુપ Bની મેચ રમાઈ રહી છે. સૌરાષ્ટ્રે પ્રથમ બેટિંગ કરતાં 392 રન બનાવ્યા હતા. રવીન્દ્ર જાડેજાએ 209 બોલનો સામનો કરીને 102 રન બનાવ્યા હતા. તેની ઇનિંગ્સમાં 7 ચોગ્ગાનો સમાવેશ થયો હતો.આ સદી જાડેજાની પ્રથમ કક્ષાના ક્રિકેટમાં 16મી સદી હતી. તેણે પોતાની બેટિંગથી ટીમને મજબૂત સ્થિતિમાં પહોંચાડી હતી.રસપ્રદ વાત એ છે કે જાડેજાની વિકેટ છત્તીસગઢ તરફથી રમતા ધર્મેન્દ્રસિંહ જાડેજાએ ઝડપી હતી. બંને ખેલાડીઓના નામ સમાન હોવાને કારણે આ ઘટના પણ ચર્ચામાં રહી હતી.
https://x.com/CricCrazyJohns/status/2109592369402359895?s=20
પ્રેરક માંકડની પણ શાનદાર સદી
સૌરાષ્ટ્ર તરફથી પ્રેરક માંકડે પણ બેટિંગમાં કમાલ કરી હતી. તેણે 150 બોલમાં 129 રન બનાવ્યા હતા. તેની ઇનિંગ્સમાં 15 ચોગ્ગા અને 1 છગ્ગાનો સમાવેશ થયો હતો.માંકડની આ સદીથી સૌરાષ્ટ્રને મોટો સ્કોર બનાવવામાં મદદ મળી હતી. જાડેજા અને માંકડની સદીઓએ ટીમની ઇનિંગ્સને મજબૂત આધાર આપ્યો હતો.
ચિરાગ જાનીએ પણ આપ્યું મહત્વનું યોગદાન
સૌરાષ્ટ્ર તરફથી ચિરાગ જાનીએ પણ શાનદાર બેટિંગ કરી હતી. તેણે 148 બોલમાં 83 રન બનાવ્યા હતા. આ દરમિયાન તેણે 12 ચોગ્ગા અને 3 છગ્ગા ફટકાર્યા હતા.જાડેજાની સદી, માંકડની 129 રનની ઇનિંગ્સ અને ચિરાગ જાનીના 83 રનની મદદથી સૌરાષ્ટ્રે 392 રનનો પડકારજનક સ્કોર બનાવ્યો હતો.
છત્તીસગઢ તરફથી દેવ આદિત્ય સિંહની 5 વિકેટ
છત્તીસગઢ તરફથી દેવ આદિત્ય સિંહે અસરકારક બોલિંગ કરી હતી. તેણે 24 ઓવરમાં 67 રન આપીને 5 વિકેટ ઝડપી હતી.ધર્મેન્દ્રસિંહ જાડેજા અને રુદ્ર પ્રતાપે 2-2 વિકેટ મેળવી હતી, જ્યારે સંદીપ વોરિયરને 1 વિકેટ મળી હતી.હવે છત્તીસગઢની ટીમ પ્રથમ દાવમાં કેટલા રન બનાવે છે અને સૌરાષ્ટ્રની સરસાઈ સામે કેવો જવાબ આપે છે તેના પર સૌની નજર રહેશે.
આ પણ વાંચો - Arshdeep Singએ T20 ક્રિકેટમાં મચાવ્યો હાહાકાર! ટિમ સાઉથીનો વર્લ્ડ રેકોર્ડ તોડી રચ્યો ઇતિહાસ
