ભારતીય ટીમે અફઘાનિસ્તાન સામેની 3 મેચની T20I સિરીઝમાં શાનદાર પ્રદર્શન કરતાં 2-0ની અજેય લીડ મેળવી લીધી છે. દિલ્હીના અરુણ જેટલી સ્ટેડિયમમાં 15 સપ્ટેમ્બરે રમાયેલી બીજી T20Iમાં ભારતે અફઘાનિસ્તાનને 7 વિકેટે હરાવ્યું હતું. આ જીત બાદ ભારતીય ટીમના કેપ્ટન શ્રેયસ ઐયર ખુશ જોવા મળ્યા હતા. મેચ બાદ તેમણે ટીમના પ્રદર્શન ઉપરાંત ત્રીજી T20Iમાં બેન્ચ પર બેઠેલા ખેલાડીઓને તક આપવા અંગે પણ મહત્વનું નિવેદન આપ્યું હતું.
શ્રેયસ ઐયરે ટીમના પ્રદર્શન પર શું કહ્યું?
બીજી T20Iમાં જીત બાદ શ્રેયસ ઐયરે કહ્યું કે ટીમ અગાઉની મેચ કરતાં વધુ મોટી જીત મેળવવા માંગતી હતી અને ખેલાડીઓએ મેદાન પર તેને સાબિત પણ કરી બતાવ્યું. તેમણે સ્વીકાર્યું કે શરૂઆતની કેટલીક સિરીઝમાં મળેલી હારને ભૂલવી સરળ નહોતી, પરંતુ ક્રિકેટમાં ઉતાર-ચઢાવ આવતા રહે છે.શ્રેયસ અય્યરના મતે ખેલાડીઓ માટે પરિસ્થિતિ પ્રમાણે પોતાને ઢાળવું ખૂબ મહત્વનું છે. પરિસ્થિતિને સમજીને રમવાથી ટીમ માટે વસ્તુઓ સરળ બની શકે છે.ભારતીય કેપ્ટને એ પણ સંકેત આપ્યો કે હવે ત્રીજી T20Iમાં એવા ખેલાડીઓને તક આપવામાં આવી શકે છે, જેઓ પ્રથમ બે મેચમાં પ્લેઇંગ ઇલેવનનો ભાગ બની શક્યા નથી.તેમણે કહ્યું કે ત્રીજી મેચમાં ટીમના સંયોજનમાં થોડો ફેરફાર કરવાની તક છે. આ નિવેદન બાદ બાકીના ખેલાડીઓ માટે અંતિમ મેચમાં મેદાન પર ઉતરવાની આશા વધી છે.