કેરેબિયન પ્રીમિયર લીગ 2026માં ટ્રિનબાગો નાઇટ રાઇડર્સના અનુભવી સ્પિનર સુનીલ નારાયણે શાનદાર બોલિંગ કરીને ટીમને મોટી જીત અપાવી છે.CPL 2026ની 27મી મેચમાં ટ્રિનબાગો નાઇટ રાઇડર્સે બાર્બાડોસ ટ્રાઇડેન્ટ્સને 35 રનથી હરાવ્યું. આ જીતમાં સુનીલ નરૈનની બોલિંગ સૌથી મહત્વની રહી.નરૈને માત્ર 3.3 ઓવરમાં 12 રન આપીને 4 વિકેટ ઝડપી હતી. આ સાથે તેમણે CPL કારકિર્દીની પોતાની શ્રેષ્ઠ બોલિંગ નોંધાવી.સુનીલ નારાયણ આ મેચમાં હેટ્રિકની નજીક પણ પહોંચ્યા હતા.જોકે તેઓ હેટ્રિક પૂર્ણ કરી શક્યા નહોતા.તેમ છતાં તેમની શાનદાર બોલિંગે બાર્બાડોસની બેટિંગને સંપૂર્ણપણે મુશ્કેલીમાં મૂકી દીધી.આ પ્રદર્શન સાથે નરૈને પોતાની ટીમ માટે એક મોટો રેકોર્ડ પણ પોતાના નામે કર્યો.
પાવરપ્લેમાં જ 3 વિકેટ લીધી
ટ્રિનબાગો નાઇટ રાઇડર્સે પ્રથમ બેટિંગ કરતાં 20 ઓવરમાં 7 વિકેટે 147 રન બનાવ્યા હતા.ટીમના કેપ્ટન નિકોલસ પૂરણે 59 રનની આક્રમક ઇનિંગ રમી હતી.તેમની ઇનિંગમાં 7 છગ્ગા સામેલ હતા.148 રનના લક્ષ્યનો પીછો કરવા ઉતરેલી બાર્બાડોસ ટ્રાઇડેન્ટ્સની શરૂઆત ખરાબ રહી.ટ્રિનબાગોના બોલરોએ પાવરપ્લેમાં જ 4 વિકેટ ઝડપી લીધી હતી.તેમાં 3 વિકેટ એકલા સુનીલ નરૈને ઝડપી હતી.નરૈને પોતાની બીજી ઓવરની છેલ્લી 2 બોલમાં સતત 2 વિકેટ ઝડપી હતી. તેમણે પહેલા બ્રાન્ડન કિંગને આઉટ કર્યો અને ત્યારબાદ ક્વિન્ટન ડિકોકને પેવેલિયન મોકલ્યો.ત્યારબાદ જ્યારે નરૈન બાર્બાડોસની ઇનિંગની 5મી ઓવર નાખવા આવ્યા ત્યારે તેમની પાસે હેટ્રિક પૂર્ણ કરવાની તક હતી.જો નરૈન આ ઓવરની પહેલી જ બોલે વિકેટ ઝડપી લેતા તો તેમની હેટ્રિક પૂર્ણ થઈ જાત.જોકે તેઓ આ તક ઝડપી શક્યા નહોતા.તેમ છતાં ઓવરની ચોથી બોલે તેમણે રિવાલ્ડો ક્લાર્કને આઉટ કરીને પોતાની ત્રીજી વિકેટ મેળવી.