દુલિપ ટ્રોફીની ફાઇનલમાં સાઉથ ઝોનના કેપ્ટન તિલક વર્મા શતક ફટકારવાથી માત્ર 1 રન દૂર રહી ગયા. તિલક વર્મા 99 રન બનાવીને આઉટ થતાં સાઉથ ઝોનની પહેલી ઇનિંગ પણ 336 રનમાં સમેટાઈ ગઈ. તેમના આઉટ થતાની સાથે જ સાઉથ ઝોનનો છેલ્લો વિકેટ પણ પડી ગયો હતો.સાઉથ ઝોનની ટીમ પહેલી ઇનિંગમાં 336 રન જ બનાવી શકી.બીજી તરફ ઈસ્ટ ઝોને પોતાની પહેલી ઇનિંગમાં 708 રનનો વિશાળ સ્કોર બનાવ્યો હતો. આ કારણે ઈસ્ટ ઝોનને પહેલી ઇનિંગના આધારે સાઉથ ઝોન સામે 372 રનની મોટી લીડ મળી છે.
તિલક વર્મા 99 રને આઉટ
સાઉથ ઝોનના કેપ્ટન તિલક વર્માએ શાનદાર બેટિંગ કરી હતી,પરંતુ શતકથી માત્ર 1 રન દૂર રહી ગયા.તેમણે 211 બોલનો સામનો કરીને 9 ચોગ્ગાની મદદથી 99 રન બનાવ્યા.તિલકને ઈસ્ટ ઝોનના સ્પિનર મોહમ્મદ કુનૈન કુરૈશીએ આઉટ કર્યા. કુરૈશીએ પોતાની જ બોલિંગ પર તિલક વર્માનો કૅચ પકડીને તેમની ઇનિંગનો અંત લાવ્યો.આ સાથે તિલક વર્મા પોતાની ફર્સ્ટ ક્લાસ કારકિર્દીના 9મા શતકથી પણ ચૂકી ગયા. જોકે, 99 રનની ઇનિંગ સાથે તેઓ સાઉથ ઝોન તરફથી પહેલી ઇનિંગમાં સૌથી વધુ રન બનાવનાર બેટર રહ્યા.
https://x.com/BCCIdomestic/status/2097577398082691499?s=20
2 મોટી ભાગીદારીએ ટીમને 300 પાર પહોંચાડી
તિલક વર્માએ પોતાની ઇનિંગ દરમિયાન 2 મહત્વની અડધી સદીની ભાગીદારી કરી હતી. તેમણે છઠ્ઠા વિકેટ માટે શ્રેયસ ગોપાલ સાથે 66 રનની ભાગીદારી કરી હતી.ત્યારબાદ સાતમા વિકેટ માટે સી. મિલિન્દ સાથે મળીને 78 રન ઉમેર્યા હતા. આ બંને ભાગીદારી સાઉથ ઝોનની પહેલી ઇનિંગની સૌથી મોટી ભાગીદારી રહી.આ ભાગીદારીઓના કારણે સાઉથ ઝોનનો સ્કોર 300 રનને પાર પહોંચ્યો હતો. જોકે, ઈસ્ટ ઝોનના 708 રનના વિશાળ સ્કોરની સરખામણીમાં સાઉથ ઝોન ઘણું પાછળ રહી ગયું.
ઈસ્ટ ઝોનની 372 રનની મોટી લીડ
ઈસ્ટ ઝોને પહેલી ઇનિંગમાં 708 રનનો વિશાળ સ્કોર બનાવ્યો હતો. તેના જવાબમાં સાઉથ ઝોનની ટીમ 336 રનમાં ઓલઆઉટ થઈ ગઈ.આથી ઈસ્ટ ઝોનને 372 રનની મોટી લીડ મળી છે.હવે સાઉથ ઝોન સામે મેચમાં વાપસી કરવાનો મોટો પડકાર છે.ફાઇનલમાં તિલક વર્માએ શતક ચૂકી જવાથી ચોક્કસપણે નિરાશા અનુભવી હશે, પરંતુ તેમની 99 રનની લડાયક ઇનિંગ સાઉથ ઝોન માટે મહત્વપૂર્ણ રહી. હવે મેચના આગળના તબક્કામાં ઈસ્ટ ઝોન આ મોટી લીડનો કેટલો ફાયદો ઉઠાવે છે તેના પર સૌની નજર રહેશે.
મુકેશ કુમારે ત્રીજી વિકેટ લીધી
મુકેશ કુમારે પ્રથમ ઇનિંગમાં પૂર્વ ઝોન માટે સૌથી વધુ ત્રણ વિકેટ લીધી. મોહમ્મદ શમી અને કુનૈન કુરેશીએ બે-બે વિકેટ લીધી.
આ પણ વાંચો - BCCIની મોટી ડીલ, હોમ સીઝન માટે 3 નવા પાર્ટનર જાહેર, કરાર સાથે 44%નો ઉછાળો
