વિરાટ કોહલીનું ઈન્ટરનેશનલ ક્રિકેટમાં વાપસી તેની ફિટનેસ પર નિર્ભર છે. ખરાબ ફિટનેસને કારણે તે અફઘાનિસ્તાન સામેની ODI સિરીઝ ગુમાવી હતી. હવે ઈંગ્લેન્ડ સામેની 3 મેચની ODI સિરીઝ પહેલા વિરાટ ભૂતપૂર્વ ક્રિકેટર સંજય બાંગર સાથે પ્રેક્ટિસ કરતો જોવા મળ્યો છે.
સોશિયલ મીડિયા પર વાયરલ થયેલા આ વીડિયોને કારણે ફેન્સ આગામી સિરીઝ માટે તેના વાપસીની રાહ જોઈ રહ્યા છે. ભારત-ઈંગ્લેન્ડ ODI સિરીઝ 14 થી 19 જુલાઈ સુધી ચાલશે.
અલીબાગમાં સંજય બાંગર સાથે વિરાટ કોહલીએ કરી ખૂબ પ્રેક્ટિસ
મીડિયા રિપોર્ટ મુજબ વિરાટ કોહલીએ અલીબાગમાં સંજય બાંગર સાથે ખૂબ પ્રેક્ટિસ કરી હતી. એવું કહેવામાં આવી રહ્યું છે કે સંજય બાંગરની મદદથી તેને પોતાની બેટિંગ ટેકનિક પર કામ કર્યું. વાયરલ વીડિયોમાં વિરાટ પોતાની કીટ તેના ખભા પર ફેંકતો જોવા મળે છે અને બંનેએ એકબીજાને ગળે પણ લગાવ્યા હતા.
https://twitter.com/sahapijush7/status/2072616546099515844
તમને જણાવી દઈએ કે BCCIએ ઈંગ્લેન્ડ સામેની ODI સિરીઝ માટે 15 સભ્યોની ભારતીય ટીમમાં વિરાટ કોહલીનો સમાવેશ કર્યો હતો, પરંતુ તેની પાર્ટનરશીપ તેની ફિટનેસ પર આધારિત છે. ફેન્સ એવી પણ આશા રાખી રહ્યા છે કે 'કિંગ કોહલી' 14 જુલાઈએ ઈંગ્લેન્ડ સામેની પ્રથમ ODIમાં મેદાનમાં ઉતરશે.
14 જુલાઈથી શરૂ થશે ઈંગ્લેન્ડ સામેની વનડે સિરીઝ
વિરાટ કોહલી છેલ્લે આ વર્ષે જાન્યુઆરીમાં ODIમાં જોવા મળ્યો હતો. તેને ન્યુઝીલેન્ડ સામેની ODI સિરીઝની અંતિમ મેચમાં તેની 54મી ODI સદી ફટકારી હતી. તે મેચમાં તેને 124 રન બનાવ્યા હતા.
વિરાટે છેલ્લી બે વનડે સિરીઝમાં 542 રન બનાવ્યા છે. તેને પોતાની છેલ્લી 6 ઈનિંગમાં 3 સદી અને 2 અડધી સદી ફટકારી છે. ઈંગ્લેન્ડ સામેની વનડે સિરીઝ 14 જુલાઈથી શરૂ થશે, બીજી વનડે 16 જુલાઈએ અને અંતિમ મેચ 19 જુલાઈએ રમાશે.
આ પણ વાંચો: Abhishek Sharma ઈશાન કિશનના રન આઉટ પર થયો ગુસ્સે, કહ્યું- શું કરી રહ્યો છે યાર...?
