મહિલા એશિયા કપ 2026 ના પોતાના અંતિમ લીગ-સ્ટેજ મુકાબલામાં આજે હરમનપ્રીત કૌરની આગેવાની હેઠળની ભારતીય ટીમ કટ્ટર હરીફ પાકિસ્તાન સામે ટકરાશે. દુબઈ ઈન્ટરનેશનલ ક્રિકેટ સ્ટેડિયમ ખાતે આ હાઈ-વોલ્ટેજ મેચ રમાશે.
વુમન એશિયા કપમાં ભારત હોટ ફેવરિટ
ભારતે અગાઉની મેચમાં હોંગકોંગ સામે 137 રનની ભવ્ય જીત નોંધાવીને સેમિફાઇનલમાં સ્થાન પાકું કરી લીધું છે અને ટીમ હાલમાં ગ્રુપ-A માં ટોચના સ્થાને છે. આ મેચમાં ભારત જીત માટે દબદબા સાથે દાવેદાર તરીકે મેદાનમાં ઉતરશે. બીજી તરફ, થાઇલેન્ડ સામે જીત મેળવનાર પાકિસ્તાની ટીમ પણ સેમિફાઇનલની પોતાની આશા મજબૂત કરવા પૂરો જોર લગાવશે.
બંને ટીમો વચ્ચે T20I માં હેડ-ટુ-હેડ આંકડા
મહિલા T20 આંતરરાષ્ટ્રીય ક્રિકેટમાં ભારત અને પાકિસ્તાન અત્યાર સુધીમાં 17 વખત એકબીજા સામે આવી ચૂક્યા છે. સમગ્ર ટુર્નામેન્ટ દરમિયાન ભારત સૌથી મજબૂત ટીમ તરીકે ઉભરી આવ્યું છે, જ્યારે પાકિસ્તાન સામે પણ ભારતનો દબદબો સ્પષ્ટ દેખાઈ રહ્યો છે.
Ind. v. Pak: સંભવિત પ્લેઇંગ-11 (Playing 11)
ભારત (IND-W): સ્મૃતિ મંધાના, શફાલી વર્મા, પ્રતિકા રાવલ, હરમનપ્રીત કૌર (કેપ્ટન), ભારતી ફુલમાલી, રિચા ઘોષ (વિકેટકીપર), દીપ્તિ શર્મા, પ્રેમા રાવત, નંદની શર્મા, શ્રી ચરાણી, ક્રાંતિ ગૌડ.
પાકિસ્તાન (PAK-W): મુનીબા અલી (વિકેટકીપર), શવાલ ઝુલ્ફીકાર, ગુલ ફિરોઝા, આયેશા ઝફર, સદાફ શમાસ, ફાતિમા સના (કેપ્ટન), ઈમાન ફાતિમા, ઉમ્મ-એ-હાની, તુબા હસન, નશરા સંધુ, સાદિયા ઈકબાલ.
આજના મુકાબલામાં પર ક્રિકેટ રસિયાઓની નજર
ભારત મહિલા વિરુદ્ધ પાકિસ્તાન મહિલા મુખ્ય ખેલાડીઓ જોવા જેવી છે. હોંગકોંગ સામે જીત બાદ ભારતીય મહિલા ખેલાડીઓમાં આત્મવિશ્વાસ વધ્યો છે. આજે વિસ્ફોટક બેટસમેન સ્મૃતિ મંધાના, સ્ટાર ઓલરાઉન્ડર દીપ્તિ શર્મા, હરમન પ્રીત કૌરની કેપ્ટનશિપ પર લોકોનું ધ્યાન રહેશે. પાકિસ્તાન માટે, કેપ્ટન ફાતિમા સના અને વિકેટકીપર-બેટર મુનીબા અલી જોવા લાયક ખેલાડીઓમાં સામેલ હશે. પાકિસ્તાન સામેની મેચ રમવા સાથે જ કેપ્ટન તરીકે હરમન પ્રીત કૌર એક મોટી સિદ્ધિ મેળવશે. આજની મેચમાં ફરી કોઈ નવો રેકોર્ડ બનશે તે જોવા ક્રિકેટ રસિકો આતુર છે.
આ પણ વાંચો : India vs Pakistan : દુબઈમાં બેટ્સમેન કરશે કમાલ કે બોલરોનો રહેશે દબદબો? જાણો પિચ રિપોર્ટ