વુમેન્સ ટી20 વર્લ્ડ કપ 2026 હવે તેના સૌથી રોમાંચક તબક્કામાં પ્રવેશી ચૂક્યો છે.ગ્રુપ સ્ટેજમાં અત્યાર સુધીમાં 21 મેચ રમાઈ ચૂકી છે અને હવે માત્ર 9 મેચ બાકી છે.જે સેમિફાઇનલની ચાર ટીમોનું ભવિષ્ય નક્કી કરશે.ટૂર્નામેન્ટમાં ઓસ્ટ્રેલિયા,ઇંગ્લેન્ડ અને વેસ્ટ ઇન્ડીઝનો દબદબો જોવા મળ્યો છે,આ ત્રણેય ટીમ અત્યાર સુધી એક પણ મેચ હારી નથી.બીજી તરફ,પાકિસ્તાન,નેધરલેન્ડ,આયર્લેન્ડ અને સ્કોટલેન્ડ સહિત 4 ટીમ ટૂર્નામેન્ટમાંથી બહાર થઈ ગઈ છે.
ટીમ ઇન્ડિયાની મુશ્કેલી વધી
સાઉથ આફ્રિકા સામે મળેલી હાર બાદ ભારતીય મહિલા ટીમ માટે સેમિફાઇનલમાં પહોંચવાની રાહ ઘણી મુશ્કેલ બની ગઈ છે.ભારતે જો સેમિફાઇનલની રેસમાં ટકી રહેવું હોય તો હવે પછીની બંને મેચો જીતવી જ પડશે.ભારતની આગામી મેચો બાંગ્લાદેશ અને મજબૂત ઓસ્ટ્રેલિયા સામે છે.અત્યાર સુધી અજેય રહેલી ઓસ્ટ્રેલિયન ટીમને હરાવવી ટીમ ઇન્ડિયા માટે લોઢાના ચણા ચાવવા સમાન સાબિત થશે.
