ભારતીય ક્રિકેટ ટીમનો યુવા સ્ટાર અભિષેક શર્મા T20 ક્રિકેટમાં સતત શાનદાર પ્રદર્શન કરી રહ્યો છે. IPL હોય કે ભારતીય ટીમની મેચ,અભિષેક પોતાની આક્રમક બેટિંગથી ચાહકોનું ધ્યાન ખેંચી રહ્યો છે.તેની બેટિંગમાં યુવરાજ સિંહનો પણ મોટો ફાળો રહ્યો છે. યુવરાજે અભિષેકની બેટિંગ પર લાંબા સમયથી કામ કર્યું છે અને તેને અનેક મહત્વની બાબતો શીખવી છે.અભિષેક શર્મા પણ યુવરાજ સિંહને પોતાના ગુરુ માને છે અને તેમની સલાહને મહત્વ આપે છે. જોકે, ક્યારેક અભિષેક પોતાના ગુરુની વાત ન માને તો તેને મજેદાર સજા પણ મળે છે. હાલમાં યુવરાજ સિંહે સોશિયલ મીડિયા પર એક વીડિયો શેર કર્યો છે, જેમાં અભિષેક કાન પકડીને ઉઠક-બેઠક કરતો જોવા મળે છે.

યુવરાજે અભિષેકને કેમ કરાવી ઉઠક-બેઠક?

યુવરાજ સિંહે પોતાના Instagram પર શેર કરેલા વીડિયોમાં અભિષેક શર્મા કાન પકડીને ઉઠક-બેઠક કરતો જોવા મળે છે.આ દરમિયાન યુવરાજ તેને એક વચન બોલવા કહે છે.યુવરાજ કહે છે કે,પહેલી જ બોલથી મોટો શોટ રમવાનો પ્રયાસ નહીં કરું.પહેલી બોલ હવામાં નહીં મારું અને થોડો સમય લઈને બેટિંગ કરીશ.અભિષેક પણ યુવરાજની વાતનું પુનરાવર્તન કરે છે અને સાથે ઉઠક-બેઠક કરે છે.આ વીડિયો માત્ર મજેદાર ક્ષણ પૂરતો મર્યાદિત નથી.તેમાં યુવરાજ અને અભિષેક વચ્ચેનું ખાસ બોન્ડ પણ જોવા મળે છે.યુવરાજે વીડિયોમાં અભિષેક સાથે વિતાવેલી કેટલીક યાદગાર ક્ષણોની તસવીરો પણ શેર કરી છે.બંને વચ્ચેના ગુરુ-શિષ્યના સંબંધની ઝલક ચાહકોને જોવા મળી છે.યુવરાજ સિંહે અભિષેકની બેટિંગ પર ખૂબ મહેનત કરી છે.ખાસ કરીને T20 ક્રિકેટમાં આક્રમક બેટિંગ કરતી વખતે ક્યારે સંયમ રાખવો અને ક્યારે શોટ રમવો તે બાબતે યુવરાજે તેને માર્ગદર્શન આપ્યું છે.તેના પરિણામે અભિષેકે ભારતીય ટીમમાં પોતાની અલગ ઓળખ બનાવી છે.

અભિષેકના નામે અનેક મોટી સિદ્ધિઓ

અભિષેક શર્માએ અત્યાર સુધી T20 ક્રિકેટમાં અનેક મોટી સિદ્ધિઓ મેળવી છે. તેની આક્રમક બેટિંગના કારણે તે ભારતીય ટીમનો મહત્વનો ખેલાડી બની ગયો છે. T20 ક્રિકેટમાં તેણે 931 રેટિંગ પોઈન્ટ સુધી પહોંચીને ખાસ સિદ્ધિ મેળવી છે.અભિષેક ICC T20 બેટિંગ રેન્કિંગમાં નંબર-1 સ્થાન મેળવનાર સૌથી યુવા ભારતીય ખેલાડી પણ બન્યો હતો. એશિયા કપ 2025 દરમિયાન પણ તેણે શાનદાર પ્રદર્શન કર્યું હતું અને તેને પ્લેયર ઓફ ધ સિરીઝનો પુરસ્કાર મળ્યો હતો.

https://www.instagram.com/reel/Dc2e4LAhH5q/?utm_source=ig_web_button_share_sheet


ભારત માટે કરી ચૂક્યો છે શાનદાર દેખાવ

અભિષેકે ભારત માટે અત્યાર સુધી 56 T20 મેચ રમી છે. તેમાં તેણે 30.73ની સરેરાશથી 1629 રન બનાવ્યા છે. તેના નામે 2 સદી અને 11 અડધી સદી છે. તેનો સ્ટ્રાઈક રેટ પણ 187.24નો રહ્યો છે, જે તેની આક્રમક બેટિંગની સાબિતી આપે છે.અભિષેકે ભારતીય ટીમ માટે અત્યાર સુધી 104 છગ્ગા અને 164 ચોગ્ગા ફટકાર્યા છે. હવે તેની નજર આગામી પડકારો પર છે. તે અફઘાનિસ્તાન સામેની T20 સિરીઝમાં ભારતીય ટીમ તરફથી રમતો જોવા મળી શકે છે. ત્યારબાદ તે 2026ની એશિયન ગેમ્સમાં પણ ભારતનું પ્રતિનિધિત્વ કરશે.

આ પણ વાંચો - Jasprit Bumrah ફિટ નહીં થાય તો કોણ રમશે? BCCIએ બનાવ્યો માસ્ટરપ્લાન!