અમદાવાદના સરખેજ-બાવળા હાઈવે પર મટોડા પાટિયા નજીક ગમખ્વાર અકસ્માતની ઘટના સામે આવી છે. હાઈવે પર ઊભેલી આઇસર ટ્રક પાછળ એક કાર ઘૂસી જતાં ગંભીર અકસ્માત સર્જાયો હતો. આ અકસ્માતમાં કારમાં સવાર એક વ્યક્તિનું ઘટનાસ્થળે જ મોત નીપજ્યું હતું, જ્યારે અન્ય 3 લોકો ગંભીર રીતે ઈજાગ્રસ્ત થયા હતા. ઘટનાને પગલે હાઈવે પર ચકચાર મચી ગઈ હતી.

ઊભેલી આઇસર પાછળ કાર ઘૂસી

મળતી વિગતો મુજબ, સરખેજ-બાવળા હાઈવે પર મટોડા પાટિયા નજીક આ અકસ્માત સર્જાયો હતો. અહીં હાઈવે પર એક આઇસર ઊભી હતી. દરમિયાન પૂરઝડપે આવતી કાર ઊભેલી આઇસરની પાછળ ઘૂસી ગઈ હતી. ટક્કર એટલી ગંભીર હતી કે કારમાં સવાર લોકો અકસ્માતનો ભોગ બન્યા હતા.

એક વ્યક્તિનું ઘટનાસ્થળે મોત

અકસ્માતમાં કારમાં સવાર એક વ્યક્તિને ગંભીર ઇજાઓ પહોંચતાં તેનું ઘટનાસ્થળે જ મોત નીપજ્યું હતું. જ્યારે કારમાં સવાર અન્ય 3 લોકો ગંભીર રીતે ઈજાગ્રસ્ત થયા હતા. અકસ્માત બાદ ઘટનાસ્થળે લોકો એકત્ર થઈ ગયા હતા.

108 મારફતે ઈજાગ્રસ્તોને હોસ્પિટલ ખસેડાયા

અકસ્માતમાં ઈજાગ્રસ્ત થયેલા 3 લોકોને તાત્કાલિક 108 એમ્બ્યુલન્સ મારફતે સારવાર અર્થે હોસ્પિટલ ખસેડવામાં આવ્યા હતા. તેમની ગંભીર ઇજાઓને પગલે તેમને તબીબી સારવાર માટે લઈ જવામાં આવ્યા હતા.

ચાંગોદર પોલીસ ઘટનાસ્થળે પહોંચી

અકસ્માતની જાણ થતાં ચાંગોદર પોલીસનો કાફલો તાત્કાલિક ઘટનાસ્થળે પહોંચ્યો હતો. પોલીસે સમગ્ર ઘટનાની તપાસ હાથ ધરી છે. સરખેજ-બાવળા હાઈવે પર બનેલી આ ઘટનાને પગલે વિસ્તારમાં ચકચાર મચી ગઈ હતી.  


આ પણ વાંચો :     Cyclone Akvan Live : ભીષણ વાવાઝોડા અકવાનનું લેન્ડફોલ શરૂ, આગામી 3 કલાક સુધી ચાલશે ભારે તોફાન