અમદાવાદ જિલ્લાના સાણંદ પંથકમાં નશીલા પદાર્થોનું વેચાણ અને હેરફેરી રોકવા માટે પોલીસે ખાસ ઝુંબેશ હાથ ધરી છે. આ દરમિયાન સાણંદ પોલીસને મળેલી બાતમીના આધારે રેડ કરીને MD ડ્રગ્સનું સપ્લાય કરનાર ટોળકીના 4 શખ્સોને રંગેહાથ ઝડપી લીધા છે.
ગ્રામ્ય વિસ્તારોમાં ફેલાવ્યું હતું નેટવર્ક
પોલીસ તપાસમાં બહાર આવ્યું છે કે, આ પકડાયેલા સપ્લાયરો મુખ્યત્વે અમદાવાદના ગ્રામ્ય વિસ્તારોમાં યુવાધનને નશાના રવાડે ચઢાવવા માટે ડ્રગ્સની હેરફેરી કરતા હતા. સાણંદ પોલીસે આરોપીઓ પાસેથી 20 ગ્રામથી વધુ MD ડ્રગ્સનો જથ્થો કબજે કર્યો છે. આ જથ્થાની બજાર કિંમત લાખોમાં હોવાનું અંદાજવામાં આવી રહ્યું છે.