અમદાવાદ શહેરમાં જાહેરમાં તલવારો કે હથિયારો સાથે બર્થ-ડે ઉજવવાનો ક્રેઝ યુવાનો માટે હવે મુસીબત નોતરી રહ્યો છે. અમદાવાદના ઠક્કરનગર વિસ્તારમાં જાહેરમાં હથિયારો બતાવી બર્થ-ડે સેલિબ્રેશન કરવું એક યુવકને ભારે પડ્યું છે. આ ઘટનાનો વીડિયો સોશિયલ મીડિયા પર વાયરલ થયા બાદ કૃષ્ણનગર પોલીસે ત્વરિત કાર્યવાહી કરી બર્થ-ડે બોયની ધરપકડ કરી છે.
શું છે સમગ્ર ઘટના?
ઘટનાની મળતી માહિતી અનુસાર, અમદાવાદના ઠક્કરનગર વિસ્તારમાં એક યુવકે પોતાના જન્મદિવસે મિત્રો સાથે મળીને જાહેરમાં ઉજવણી કરી હતી. આ ઉજવણીમાં કાયદાનો ભય રાખ્યા વિના હથિયારોનું પ્રદર્શન કરવામાં આવ્યું હતું. આ સેલિબ્રેશનના વીડિયો સોશિયલ મીડિયા પર વાયરલ થયા હતા, જેમાં યુવક શાનથી હથિયારો બતાવતો જોવા મળ્યો હતો.
