અમરેલી-સાવરકુંડલા હાઈવે પર શેત્રુંજી પુલ પાસે એસટી બસ અને બાઈક વચ્ચે ગમખ્વાર અકસ્માત સર્જાયો છે. અમરેલી-સાવરકુંડલા રૂટની એસટી બસ અને બાઈક વચ્ચે થયેલી ટક્કરમાં બસના ડ્રાઈવર સહિત 5 લોકો ગંભીર રીતે ઈજાગ્રસ્ત થયા છે. ઈજાગ્રસ્તોમાં 2 બાળકો, એક પુરુષ અને એક મહિલાનો પણ સમાવેશ થાય છે. આ ઉપરાંત બસમાં સવાર મુસાફરોને પણ નાની-મોટી ઈજાઓ પહોંચી છે.

શેત્રુંજી પુલ પાસે અકસ્માત

મળતી વિગતો મુજબ, અમરેલી-સાવરકુંડલા નેશનલ હાઈવે પર શેત્રુંજી પુલ પાસે એસટી બસ અને બાઈક વચ્ચે અકસ્માત સર્જાયો હતો. અમરેલી-સાવરકુંડલા રૂટની બસ સાથે બાઈક અથડાતાં ગંભીર દુર્ઘટના બની હતી. અકસ્માતને પગલે ઘટનાસ્થળે અફરાતફરીનો માહોલ સર્જાયો હતો.

ડ્રાઈવર સહિત 5 લોકો ગંભીર ઈજાગ્રસ્ત

આ અકસ્માતમાં એસટી બસના ડ્રાઈવર સહિત કુલ 5 લોકોને ગંભીર ઈજાઓ પહોંચી હતી. ઈજાગ્રસ્તોમાં 2 બાળકો, એક પુરુષ અને એક મહિલાનો સમાવેશ થાય છે. બીજી તરફ, એસટી બસમાં મુસાફરી કરી રહેલા કેટલાક મુસાફરોને પણ નાની-મોટી ઈજાઓ થઈ હતી.

108 મારફતે હોસ્પિટલ ખસેડાયા

અકસ્માતમાં ઈજાગ્રસ્ત થયેલા તમામ લોકોને 108 એમ્બ્યુલન્સ મારફતે સારવાર અર્થે સરકારી દવાખાને ખસેડવામાં આવ્યા હતા. ત્યાં ઈજાગ્રસ્તોને સારવાર માટે લઈ જવામાં આવ્યા હતા.

અકસ્માતથી હાઈવે પર ટ્રાફિકજામ

એસટી બસ અને બાઈક વચ્ચે થયેલા અકસ્માતના પગલે અમરેલી-સાવરકુંડલા હાઈવે પર ટ્રાફિકજામ સર્જાયો હતો. અકસ્માતને કારણે વાહનચાલકોને અવરજવરમાં મુશ્કેલીનો સામનો કરવો પડ્યો હતો.  


આ પણ વાંચો :     Cyclone Akvan Live : ભીષણ વાવાઝોડા અકવાનનું લેન્ડફોલ શરૂ, આગામી 3 કલાક સુધી ચાલશે ભારે તોફાન